وفاي لصبرك يحسين ونحرك ارد اوصل گبرك مشاية وبيدي الراية كل الغاية مشاية
مجنون بهذا الدرب خلوني بجنوني ماعوفه
امشي يجدمي كافي لتلوموني وعيوني ملهوفة
اتعنة وامشي للجنة انا قاصد
روحي غايتهه واملهه
وبظهري كلشي عفتة وماني رايد
الا ازورك والدمعة اهلهه
ناديت باسمك .. واتذكر دمك .. گلت اوصل يمك ..مشاية
ينبض گلبي .. واضح دربي ..مشاية
زينب تمشي ويظعن مچتوفة والدمعة تجريهه
باجر تلفي لكربلة ملهوفة بالممشة نواسيهه
اسرع يزاير واسيهه بعزائك انت بمسريك سويت العجايب
كل خطوة دمعة تبچيهه ونداهه جينة يزينب ياام المصايب
انصارج جينة .. والضدچ وينة ! .. قررنة مشينة ..مشاية
تسرع جدمي .. واكتب اسمي ..مشاية
لو زاد التعب واشوف بروحي وچدامي تعبانة
موكب للخدامة يشفي جروحي گدامي عنوانة
كل الأطلبة صاحو لية حاضر
شفنة العجايب من أهل الخدامة
خادم ولكن يتلگة الأوامر
من اليزورون مشاية لإمامة
كل خادم هيبة .. ويوزع طيبة .. مشاية
ربي اكرمني .. بس سجلني ..مشاية
شايب منحني ظهرة شفته بعيني يبچيني اصرارة
اطفال خطواتهم عزم يحييني ودموعي تتجارة
نمشي بكل اعمار .. ونواسي العقيلة
نتحدة الاخطار .. بالعزة متلينة
ازغار جنة وكبار والمدمع نسيلة
والراية يحين مزروعة بيمينة
يحسين وتدري .. اهديلك عمري .. بس اكتب اجري ..مشاية
انت الغالي .. وكل آمالي ..مشاية
يحسين حبك آية واعظم آية ترتيلي بحروفك
لروح يبگة غاية واقدس غاية وكل عمري ماعوفك
لوخيروني ماغيرك اريدة
لوهجروني بس حبك بلادي
يلتملك الروح وبعقلي عقيدة
راح ابگة للموت بس بإسمك انادي
الخالد انته .. يانور الشفته .. من زغر عرفته ..مشاية
ومن حبيته .. عمري انطيته ..مشاية
- كلمات الشاعر: واثق العيساوي -
للتحميلبصيغة Mp3من هنا
رد مع اقتباس
المشاركة الأصلية كتبت بواسطة رويدا
