هنا

[تّـفـاَصيلـٓ]

و.. انت غيمة
بعزة الگطرة اعله روحك ساوموك
وگطّرت عزة نفس
ملثمين ولابدين بسد فشلهم
وانت واگف طولك بطول الشمس
غيمة سمرة بروحك وتصعد شهامة
وتمطر الدنيا صورّك
غيرة غيرة
واختك الحوراء بالطف
هي والخيمة الچبيرة
تسولف اعله عيونها وطيفك عبر
ولملمتهن چلمة چلمة
راسي عالي وباچر يردّون اخوتي
وجايبين وياهم الصوغة نهر
والگمر مامدله عيني
باچر العباس يرجع
هذا چذاب الكمر
وباچر من بعيد اشوفنهم وافرفح
وانتصب نصبة علم
وامسح دموعي وغربتي
واشعل شموع بوجه كل الخيم
وانه اختهم
بيّه فزعة
اتلگه اخوتي .. هله بريحة الزهرة وگرة العين
عباس يبره لطول الحسين

وينگطع حلم العقيلة
بطفلة تركض يم جسد اخر منار
تحاچي ابوها
تگله جيت ورشگة رماح بگفاي
بوية جيت الدرب ركضة
ونارهم تركض وراي
بويه جيتك
والطيور وياي ودّتلك سلام
برد حيل الوادم المابيها غيرة
وبرد حيل المشرعة
الماتنطي ماي


( الشاعر ميثاق الهلالي )

[ღ عِشق ღ]

جزيتِ خير على الأبيات جنة شكراً