دمع ضويات هاي الروس
ومشية رمح بايت وي صلاة الليل
أذان بكل حزن مجيوس
وصدگ مگيود حط عينه اعله جربه بزحمة طيوفچ
يزينب والعطش خيّر
حرمني اتلاگه وي موتچ
مابيه گناطر تندل الافيش
بعد ماثلمو الشباچ
صحت حيلي وشرد مني
بحضن ميمون خاف الرمح يتلكاچ
يافزة وحيد غيوم
يمطر لو حچوا وياچ
ياهدة بخيت عيون
يمطر مستحه متاناچ
شتّانين ؟؟ الگبر حدرچ
تزورينه بحلاة النوم
موش بعيد
عباتچ فقره وانه الصوم
تره بوحدچ عزيزه انتي
النجمه ويه السهر سلوه
ومصيبتنه حرگ ومراد ومفارگ
حلاة حسين .. بس الجنه هم حلوه
ولو هذا التعب وي ناس ماتسوه
باچر للطم جنحين
وثواب طيور للجنه
ويطشون بحزن نهرين
ويجيهم كرسي مدري منين
ياخذهم عمر تچوه
يزينب ماسبگتچ
مشتهى اعله الخير
وحگج ادري تعب الماي طيحة بير
وحگچ دورة الدنيا بسواچي الناس
تذبحنه ونرد نصير
مواكب للعطش گلبي
شوارع موت عبد الله
نفسها تسولف بدربي
ضحك ربهم على المامش
يگوده بليس
وانه وياچ أيد بأيد وي ربي
الچذب شتلت جزيرة وادم تحبنه
بچي الورده اعله ضحك الطين
مايدرون مايگضي الصدگ
مادام بينه حسين
ماتگضي الغرب مادام اكو متيهين
مايگضي الدفن مادام اكو مشيعين
الحسره المالگت شراي
ياخذها النفس شروه
واحنه ولام
التچوه اعله الرمح توجع
بس اعيونج امروّه
امروتج من يفض الغيم
امطريلي الرقيه وراسي مامشيول بالگوه
وارسمي چفوف من يمج
يهلبت رايه مدري منين
تلحگها اعله وشلة فيّ
واشعلي اعله النحر شمعه
يهلبت يعثرلكم ضي
يهلبت نوگهم تتعب
تعب ميت يريد ايسيّر اعله الحي
يهلبت مايهم يزهگ
يريد اشفاف ذبلانه
عناگيد العطش تدّله بضلوعي
بگت عالجرف خدرانه
( الشاعر عباس الغالبي )
رد مع اقتباس