قصيدة قصتي [ كلمات ]
" خلـدتُ فـي خـد المآسـيَ دمعتـي
ورفعـت صـوت الحـزن هـاكم أنتـي
انـا والحسـينُ روايـةً فـي كـربلاء
فاسـمع بقلبـك ماتحـدثُ قصـتي "
انـا شيــعي عنـدي قصــة ويالحســين
قصــة احلـف جننــت قاريـهه
فصـل واحـد هـو بـس فصــل الطفــوف
والله من فـوگ العـرش راويـهه
بـگلبـي ابيـات قصيـدة وقـافيتـهه ادمـوعي
تاجـر احـزان ولطمـي فكــرتي ومشـروعي
واحـسـيـنـااااااه
واجهـة احـزاني
وحبـي لـحســين
بالدهـر عنـواني
مـن تـمرنـي قـراية حـگ المصـرع
بـگلبي يلـگون المـواكب تـطلـع
قصــة غــرامي بالحســين .. وثـورة انتــمائي
اصـلي حســيني وافتــخر جــوازي كربــلائي
انـا مـن كـاروكـي عـاهـدت الحســين
مـا اتــركه ومـا اخيـب اظنــونه
ابچـي حتـى ابخـلوتـي وانحـب عليـه
ولـذالك اصبــحت مجنــونه
هــددوني اتــركه وحــاولوا تـخـويفـي
مـن يســألون اجـاوب اعشــگ انـا بـكـيـفي
كيــفي كيــفي والعشــگ حريـة
انـا گـالب دنـيتـي حسـيـنـيـة
انـا مجنــون وبـجنـوني قابــل
واعتقــادي مـاكو فـي الحــب عـاقل
قصــة غــرامي بالحســين .. وثـورة انتــمائي
اصـلي حســيني وافتــخر جــوازي كربــلائي
امشــي واخـلاقي شـهد بيـهه الجميــع
ومنــي عــذال الخـُـلق تـتـعلم
لنـة ماربــوني بـس امـي وابـوي
انـا تـربات العـزه ويـالـماتـم
المنــابر مـدارس علمـت كـل عـالم
والمـآتم وجــودي وانـا بيـهه الخـادم
الخــدامة ورثـة مـن اجـدودي
الدمعـة شـاعر والگـلب رادودي
اللـطـم هـاي فـن عرفتــه ابـزغـري
واثـر ايـدي لهسـه والله ابصـدري
قصــة غــرامي بالحســين .. وثـورة انتــمائي
اصـلي حســيني وافتــخر جــوازي كربــلائي
من سـنة واحـد وستيـن الحســين
ملـك خـالد عـالـعرش واســطوره
كاتـب الميـثاق مـن نحــره العظـيم
والدمــاء الجـارية دستــوره
مملـكة ثـار حكـمهه الضـامي ابوناتـه
وانا بايعـته عاشــگ قانـع ابـهـيـهاته
انا جنـدي ومـوقـفي ماغيــره
قائـدي حســين والگــلب تحـت أمـره
امنيـاتي نــظرة مـن اعيــونه
ويـدري بيـه عاشــگه ومجنــونه
قصــة غــرامي بالحســين .. وثـورة انتــمائي
اصـلي حســيني وافتــخر جــوازي كربــلائي
انـا مجنــون وبـجنـوني قابــل
واعتقــادي مـاكو فـي الحــب عـاقـل
______________
" كلمات الشاعر: خليل آل اسماعيل
اداء: الرادود حسين فيصل "
____________
تدوين : زهراء العبيدي
________
لتحميل القصيدة MP3 "اضغط هنا"
لتحميل القصيدة مكتوبة بصيغة PDF
""اضغط هنا""
رد مع اقتباس
المشاركة الأصلية كتبت بواسطة hamza al-yassiri
