زهيريات حسينية - الشاعرمحمدالحجامي
يادنيه صبري نفذ منج وصل................حدّاله
وسيف المصايب غده ابضلع الصبر.......حدّاله
جا يمتى يالمنتظر تنهض تضع .............حدّاله
الهذا الوكت ما يصح غيرك بحكمه.........عدل
وتزيح ضيم الجرى تفرش ارضنه..........عدل
ملتويه كلها السجج ماغير دربك.............عدل
ننتظر فجرك يطر وانته الضعن .......حادي اله
.............
عباس يوم النزل طف كربله.................باسله
طشار خله الجثث حملات اله...............باسله
يفتخرحكه الفضل حيث انتسب.............باسله
بس اله ايلوك الوفه عباس يابو............الفضل
جفينه عالمشرعه عن دينه بيهن............فضل
من طاح عالعلكمي سوى على كاعه.......فضل
شرف ارض كربله وترابها ...............باسله
.............
عباس كله حزن بس الحرب..............كافله
من نزل طف كربله محد وكف...........كافله
سواها روس وجثث والسيف كف.......كافله
كفت زلم يمنته عالشاطي غصبن........ورد
جاب الفرات واجه لخيام زينب...........ورد
تاريخ دمه يظل برض الطفوف...........ورد
يزهي بثنايا الفضل هاي الصفه..........كافله
.........الى الامام الحسن.ع........
يابحر جود وابد ما لمه ساحل............ومد
جاوز حدود الكرم ما جزر مره..........ومد
ونهدم سور الكرم من ساسه يمك .......ومد
لوما جفوفك هدم شالنه بيهن.............. حيا
وبابك كبل ما يجي سائل بصوته..........حيا
ما مره عينك اجت بعيون سائل ..........حيا
تنكلب كلك كلب لو اجه بجفه ............ومد
الشاعرمحمدالحجامي
رد مع اقتباس
المشاركة الأصلية كتبت بواسطة صفاء العامري
