السلام عليكم
شلونكم اخواني واخواتي؟
اليوم عندي موضوع حاب اسمع آرائكم بي
اذا انت تريد شغلة معينة بس هاي الشغلة احتمال 95% تكون مو من نصيبك
واذا مشيت بيها راح تستنزف كل قوتك الى ان توصل الها ( هذا اذا وصلت )
لكن انت رايد هاي الشغلة كلش ومشتهيها
شلون راح تتصرف؟
تعوفها لانها شبه مستحيلة؟
او تفوت بيها واللي يصير يصير؟
حسب نوع الشغلة
اكو أمور غير مهمة طبعا حسب رأيي يجوز عندك هاي مهمة
بس بمرور الوقت ومن تشوف الازمات او تواجه موقف صعب ممكن تتندم وتكول ليش سويت هيج
لو تطرح المسألة بصورة أدق يكون الجواب أفضل
والله يسهلك أمرك
وعليكم السلام
انت مموضح شنو المسأله بس حجاوبك بصوره عامه
برأيي الاشياء الصعبـه تزيد من طاقه الانسان 98134567% , تخلي قوي وتسقل ارادته
ومن ينجزها يكون فخور بنفسه بدرجه لا توصف ويعتز بيها اكثر
شرط انو تخلي ببالك اما تنجح او تنجح
وتذكر انو ماكو حدود لطاقه الانسان , فحاول اطلع سوبرمان الي بداخلك
و مدام انت تريدها تسويها ..
اني جنت هيج حسوي اذا مريت بضرف مشابه
و عليكم السلام و رحمة الله و بركاته اخي الكريم امير
الحل انه تتوجه لله تعالى و تدعيه انه اذا بيها سعادتك بالدنيا و الآخرة فاساله انه يحققها الك و اذا لا يصرفها عنك تماما و هو طبعا راح يسخرك و كلشي و يحققها الك اذا بيها سعادتك او يصرفها عنك لانه الله ما يخيب اللي يتوجه اله ابدا
و بالتوفيق ان شاء الله دائما
اصدقائي الاعزاء
اشكركم جميعاً
حاول بلكي تصيب ..
مرات أشياء صعبة و معوقات هواية تشوفها كدامك من بعد المحاولة الله يسهلها عليك ..
بس اذا ما تحاول كلشي ما يصير و لا تحصل على الشي ..
من بعد المحاولة اذا فشلت ما راح تلوم نفسك راح تكون راضي بالنتيجة
و بعد انت بكيفك
تحياتي
عاشت ايدج مشكورةالمشاركة الأصلية كتبت بواسطة الحنونة
حاول بلكي تصيب ..
مرات أشياء صعبة و معوقات هواية تشوفها كدامك من بعد المحاولة الله يسهلها عليك ..
بس اذا ما تحاول كلشي ما يصير و لا تحصل على الشي ..
من بعد المحاولة اذا فشلت ما راح تلوم نفسك راح تكون راضي بالنتيجة
و بعد انت بكيفك
تحياتي
كلامج كلش صحيح ومنطقي
إذا هل الشي رايده وبِشدة ،ونسبة حصولك عليه حتلو ١٪ ، لعد ناضل واجتهد حتى توصل إله ، أذا وصلت ف رح تكون مُعتز بنفسك واثبتت قدرتك وإذا موصلت ، رح تحس أنك ع الاقل حاولت بسبيل الحصول عليه وانطيته حقه وما رح يجيك شعور الندم بعدين لإن عفته .
بالتوفيق.
يقولون أديسون مبتكر الكهرباء جرب 100 تجربة 99 طلعت فاشلة الا وحدة كانت صحيحة ووصل الى مبتغاه
لذلك أنت حاول أن تصل الى هذه القضية مادام مصمم على تحقيقها
وعليكم السلام
احب اكلك ادرس الشغله من كل النواحي
ايجابياتها وسلبياتها العائده عليك
وهنا راح تكدر تقرر شنو راح تسوي بدون ما تاخذ رأي احد
واذا تدخل بالشغله ادخل بيها بقوه ولا تخلي احد يأثر عليك لان الاغلبيه يحاربون نجاحك لا تتوقع ان الكل يتمناك تنجح
ونصيحه والبعض راح يفتهم شنو قصدي
وهي
اذا تبلش بالشغله لا تحجي لاحد سويها بدون علم اي احد فقط الاهل يعني ابوك وامك واخوانك وخواتك
تحياتي
رد مع اقتباس
