هم بيها رباط سالفتي هاي
اكو واحد رشح للانتخابات
راح لشيخ القرية الساكن بيها و گله
شيخنا اني اول شي اسويه بعدما افوز اسحب مي صالح للشرب للقريه خو مو اعوف اهلي يشربون مي النهر الوسخ !
الشيخ گله عفيه ابني هاي من اصلك الطيب !
واني من ناحيتي اضمنلك 4000 صوت من اهل القريه حتى تفوز.
جان ينتخبوه و فاز و طفر بعد مامر عليهم.
المهم : خلصت 4 سنوات؟
و رجع للشيخ مرة ثانية وطلعله چذبه وسد سالفته الغمّه !
سولف للشيخ نفس السالفه السابقه فالشيخ گله يصير خير.
جاب الشيخ طاسة مي من النهر الوسخ الي يشرب منه اهل القريه كلها طحالب كله اشرب فصاحبنا ضل متحير اذا يشرب يتمرض و اذا ما يشرب راح ينحرج كدام العالم !
...
فگام يبچي جان يگله الشيخ انت ليش تبجي ؟
گله صاحبنا : تذكرت عطش الحسين(ع)
چان يكوم الشيخ يبوسه من گصته
و بچه وياه و اهل القريه هم يتباجون
و چان يرجعون مرة ثانية ينتخبوه و هم مشت عليهم السالفه
لان ضرب على الوتر الحساس بقلوب الناس الطيبه {الامام الحسين عليه السلام}
وهم رجعت معاناتهم مثل قبل
عاد هسه احنا اجتنا الانتخابات وراح يجونا باسم ال البيت عليهم السلام وهم راح ندك ونلطم وهم راح ننتخبهم وهم ورح نرجع مثل مارجعوا اهل القريه من انتخبوا صاحبهم الجذاب
وابقوا انتخبوهم وهم راح يجذبون عليكم
طالبوا بتغيير النظام الى رئاسي ولا تنتخبو البرلمان
رد مع اقتباس
