طريقه التقديم الكليات الاهلية
اهلا وسهلا بكم طلابنا بهذه المنشور راح نتكلم عم القبول المركزي او المسائي وتريد تروح اهلي
اول خطوه تروح للمدرسه مالتك تاخذ وثيقه او تأييد (يفضل تأييد)و تصدقه من مديريه التربيه و تاخذ وياها بطاقتك الامتحانيه مال الامتحان الوزراي مالتك
الكليه الي تريد تقدم الها و
و تروح للكلية الي تريد تقدم عليها( بشعبة التسجيل ) و تنطيهم الي جبته و الموظف راح يدقق معلوماتك
و هو يقدملك( يعني التقديم راح يصير بالكلية بس هو الكتروني )
و يحقلك تختار 3 خيارات فقط مو اكثر او بس قسم واحد تمام
و بعد ما يقدملك راح ينطيك وصل بي اسمك و شمقدم و وقت التقديم ( الوقت جدآ مهم بالتقديم عالاهلي )
هذا الوصل تحتفظ بي لان راح يفيدك بعدين
..اذا تريد تقدم على غير قسم بغير كلية هم لازم تروح للكلية الثانية التريدها و بنفس الخطوات هم تأخذ الرقم الامتحاني و التأييد و تقدم اوك
بعد ما تطلع القبولات اكو فترة محددة لازم تسجل بيها بالكلية و تدفع القسط و اذا ما سويتهن راح ينلغي قبولك و يضيفون من الاحتياط ابمكانك
شنو يعني #الاحتياط؟
الاحتياط هو مثلا انت معدلك 74 و الكلية قبلت أدنى حد 75
بعد نتائج القبولات يحبون فد 20 اسم احتياط او اكثر
المهم تفرض ان تسسلسك بالاحتياط رقم 3 ( ايضآ التسلسل حسب المعدلات )
فمثلا واحد من المقبلوين ما راد يسجل اهلي او راح لغير كلية اهلية راح يقبلون اول واحد من الاحتياط ابمكانه و هكذا كل واحد من المقبلوين ينسحب راح يحطون واحد من الاحتياط ابمكانه و حسب التسلسل..( يعني ممكن تسلسلك 15 بالاحتياط عادي )
#ملاحظاتي
..اذا ابو التسجيل بالكلية طلب منك مبلغ من المال مقابل الوصل وكذا لا تنطيه لأن الوزارة كالت لحد يدفع فلوس اثناء التسجيل او التقديم تمام
..يحقلك تختار الي يعجبك بين المركزي و المسائي و الاهلي اذا انقبلت بيهن كلهن
.. اذا طلعلك الكليات الاهلية القدمت عليهن كلهن عادي تختار الي تعجبك و تسجل بيها
..شهادة المسائي اعلى لو الاهلي؟ اكيد المسائي أعلى لان تعتبر حكومي و انصحك بالمسائي اكثر من الاهلي اذا قسمك موجود بالاثنين
..
..الوقت جدآ جدآ مهم في التقديم و بي مفاضلة بالاخير ( عالمقاعد الاخيرة ) بين الطالب الي مقدم اول ايام او أخر ايام.. لذلك اول ما ينفتح قدموا
..قدم على الكلية الكبيرة الي تقبل عدد كبير مو صغير
و مقاعدها محدودة
هاي تصير معدلاتها اعلى..
فأعرف الكلية الي تقدملها شكد مقاعدها اذا هواي قدملها و اذا قليل عوفها
.. اذا كلولك لازم بغير كلية متسجل بنفس قسم ميحقلك! لا توافق اوك،
يعني مثلا اذا قدمت قانون يكلك ما يحقلك تقدم بغير كلية قسم قانون لازم تغير القسم إلى إدارة أعمال مثلا و يكلك هذا أمر من الوزارة هم لا تصدك اوك . لان ماكو هيج حجي بس هذا ابو الكلية حتى يضمنك
يعني من تطلع القبولات ما تروح لغير كلية و تعوفه تمام
........منقول............
رد مع اقتباس
