هم ترجع الي ونتحاسب انه وياك
ونشوف بهاي ياهو اليطلب الثاني
انه انطيتك العندي وكلشي ما خليت
ونته اسال ضميرك كله شنطاني
سمح وياك ما ازعلك انه بيوم
ونته بلا بخت ناكرلي احساني
منعتهه الروح اخاف لغيرك انته اتميل
صرت مسجون بيك وانته سجاني
شجرانه صرت وتنام حدر افياي
من جاك العصر كصيتلي اغصاني
خلصت العمر صابر وكول اتعود
ونته بكل صلافه اتكلي شمتاني
لان طبعك غدر قررت راح انساك
ونصحك لا تجي احسنلك انساني
ما انطر بعد وتعاتب ويه الباب
ولا اكول شعجب ليهسه ما جاني
ولا اسهر بعد وتزاعل ويه النوم
ولا فز ويه دكت باب جيراني
انه من بالي شلتك ونتهه الموضوع
ما سمعك بعد سديتهه اذاني
تعبني الحزن لوليت لمن نام
دكافي بكل مسيه تفزز احزاني
ماريدك تجي وياك كومه هموم
المنك اجاني هواي كفاني
المنك اجاني هواي كفاني
رد مع اقتباس
