زينب ليل العاشر صــــاحت ** ليك تنادي** يا حسين
اخر ليله بعمــرك ناحــــــت ** يبن الهادي** يا حسين
فوك الخيل الداست ضـــلعك **** باجر يحسين احنه نودعك
*************************************************
اخوتي الودعـــــــــــت ليهم ** مشـــــــــــــوا وسفه لمناياهم
ســـــــــيوف بكل فخر هدت ** تكـــــــــــــــص راس التلكاهم
ليوث لحــــــــــيدره انتسبوا ** حمه لكلمـــــــــــــــــن تنخاهم
يلوذ الخايف بســــــــــــدهم ** يفـــــــــــــــــوز الصايل وياهم
درسوا عــــد حيدر وتعلموا ** وانته الاول **يا حســـين
وصاهم وبحـــــجيه التزموا ** وانته الافضل** يا حسين
راد الباري يمه يرفــــــــعك **** باجر يحسين احـــنه نودعك
***************************************
اشــوفه يصب يخضب الخد ** سكه تـــــــــــــراب الارض دمك
شـــــلت همي بزغر عمري ** كــــــــــــــــبرت انه وشلت همك
ابوي انته اصــــــبحت وانه ** صـــــــــــــــــــرت بعد اليتم امك
لون بيدي على مــــــــــوتك ** وســـــــــــــــط كلبي ردت ضمك
ادعي الباري يصـــــبر كلبي ** من يذكركم** يا حســـــــين
انته الشمعه التضوي بدربي ** واجب حبكم** يا حســـــــين
ياوسفه اطفه الظالم شــمعك **** باجر يحسين احـــــــنه نودعك
******************************************
دمعـــــــــتي بكل وفه لاجلك ** ابد ما فـــــــــــــــــــاركت عيني
حـــــنينه وي الجفن صارت ** تصب تمــــــــــــــــطر تواسيني
احاجيها صــــــــــــرت عنك ** تـــــــــــــــــــــرد عنك تحاجيني
وابجي الماطره على الخــــد ** واذا جفــــــــــــــــــــــت تبجيني
صـــــرت بذكرك يا بو اليمه ** الهج دومي** يا حســــــــــين
ثوبك عـــــندي ودوم اشتمه ** فوك اهمومي** يا حســـــــين
هلبت تغســــــل كلبي بدمعك **** باجر يحسين احنه نـــــــــودعك
********************************************
على عناد الفــــــــــرات انته ** تروي اهل العــــــــــــــطش بيدك
يمـــــــــــــــنعون النهر عنك ** يمــــــــــــــــــــوت مفرفح وليدك
حــــــــزن حتى الفرح لاجلك ** لبس اســـــــــــــــــود بجه بعيدك
يخويه اتوســــــــــلك تنهض ** كفاني مفاركه عضــــــــــــــــــيدك
صـــــــــــــدكني فراكك تعبني ** انظـــر حالي** يا حســـــــــــين
ما ريد الكـــــــــــــافر يسلبني ** وانته الوالي** ياحســــــــــــين
توفي وي اختك ادري بطبعك **** باجر يحســــــــــــــــين احنه نودعك
************************************************
اعاين عالرمــــــــــــــح راسك ** رجـــــــــــــــــــــــ ف من طاحت الطفله
شفت دمـــــــــــعه بجفن عينك ** يبيت المصـــــــــــــــــــــ ــــطفى واهله
وكفــــــــــــــــت بلا وعي ولنه ** يعت بيه ويجــــــــــــــــــــــ ــــــر حبله
احس بدمـــــــــــــــــعتي صبت ** دمه وصــــــــــــــــــــــا رت اللي كحله
انته دمـــــــوعي الصبت عالخد ** دم وتجــــري ** يا حســـــــــين
طفك ناري وما ظن تبـــــــــــرد ** كسرت ظهري **يا حســـــــــين
من بعدي ياهــــــو اللي يشيعك **** باجر يحســــــــــــــــــين احنه نودعك
**************************************************
صفــــــــــينه على الرمل نمشي ** يعـــــــــــــــــــــــ ــــــــت بينه الحبل ويجر
واحس جنك توصــــــــــــــــيني ** تريد على المحـــــــــــــــــــــ ـــــــــن اصبر
سحابه اصــــــــــبح جفن عيني ** غصـــــــــــــــــــــــ ـــــب فوك الجفن يمطر
وحك ضــــــــــــــلع البتول امي ** صفه بضلعي الوكت يكســــــــــــــــــــــ ــــر
اتوســــــــــــــــل بيك تسامحني ** مابعد اكــــــــــدر** يا حســـــــــين
بعــــــــــــــدك جا ياهو يفرحني ** يا بن حـــــــــيدر** يا حســــــــــين
وكبالي ســــــيوف اللي تكطعك **** باجر يحسين احـــــــــــــــــــــــ ـنه نودعك
***************************************
ابوذيات عن اهل البيت ع..
جذب غيرك عرش كلبي يسكنه
وألم روحي منو اليكدر يسكنه
سمعتك من صحت بنتي يسكنه
الله ويـاج بـويه ألـصار بيه
........
تهـيج جـروحي بالـدلال مايه
اشو عمي وعدني بماي مايه
يريت النهر كون يغور مايه
يريت الصار بيك يصير بيه
.......
كـوم من الـقهر شفـته ورآكم
صحت يحبابي تانوني ورآكم
بعد هيهات اشوفنكم واراكم
عمت عيني ولهيب النار بيه
.........
هلي العافوني دلالي يردهم
خبر هم اليجي منهم يردهم
إلي ماظن بعد دهري يردهم
ولا واحد رجع منهم إليه
.......
عطش نيران إلي بكلبي لهبها
وخوي الساكن بروحي لهبها
جفوف هناك عالشاطي لهبها
ولا يرجع يشوف ألصار بيه
.........ونكمل البوذيات عن اسيادنا اهل البيت ع
بخيت الكمر عالشاطي وبخته
وخدري مسلمه بجفه وبخته
صدك ما يدري بيتامه وبخته
يخويه شعجب ما تنغر عليه
.......
الـدهر جمع مصـايبها وشبها
وملح لجروح ما ينفع وشبها
شمر يشعل خيم زينب وشبها
صفت بين السبي والنار هيه
.........
روحي بالعطش صبري شطفها
عجب مافاض بالحومه شطفها
وخيمنه بنار محـروكه شطفها
شطـفي المحـترك والنار بيه
.........
تـنخـت نذرتـك فـدوه لبنها
بنتك من وفه وغيره لبنها
يعباس أمك جـفوفك لبنها
وقدمت العمر لبن الزجيه
........
قاسم بالحرب عرسه وعيده
ويريد يوافي العوده وعيده
يجدد بالحزن حزني وعيده
الأيام الحسن والجبد أبيه
.......
شع ابن الكرم بالطف وصيته
واخذ من الحسن آذنه وصيته
قاسم جن عرس عنده وصيته
لا تبجين يمه وفرحي اليه
.......
الخيم نيران مشتعلة وجرها
الصبر يتمسك بزينب وجرها
شمر بسياط يضربها وجرها
بعد كل هاذ سب حامي الحميه
.........
الكطع نحرك كطع ألها يدلها
أندبت يحضر أبو ألها يدلها
المهـر لمن أجـه ألها يدلها
يريد وياه تتعنه الشفيه
........
يسبع الدنية المجرب وحدها
زينـب تنسبي ترضه وحدها
شمر عده يبو فاضل وحدها
الخيم ويريد يحركهن عليه
.......
خـزن بالسهم كًـلبه ورمله
ريح ألطف كله جثته ورمله
رقيه وزينب وسكنه ورمله
ينصبن عالجسد يمه عزيه
.......
وحق من أسس الدنيا فكنها
زينب بالسبي الزهرة فكنها
رقيه من الحبل خويه فكنها
زغيره وخاف تتحمل آذيه
***********************
وهذه الدارميات مني لعيونكم ايها الاحبه حماكم الله
مع الاخ مدير الموقع الغالي.
. ...........
بس اوكف اعله الدار منا واندبه
يكضيهن الحاجات ماعنده صعبة
...........
وهذا لعيونكم الاخر لجواب الاول..
ما أوصل الشباج بس الزم الباب
وماحاجه أصب دموع ينطيني الجواب
......... وهذا اخر عن نفس الموضوع
................
كلما تطب لحسين حلفه بأخيه
***
بالحشرماينساك أبن الزچية
رد مع اقتباس
