ياوردة السلطان ياجوري العطر
ياغصن ريحان ياوركت الياس
يازهرة العنبرياعطر فواح
بنسمة ربيع تشمهه الأنفاس
ياخمرة عشك تنتعش بيهه الروح
تتغازل وي الشفايف من اشرب الكاس
ياحنة فرح أمحنيه الجفوف
تتباهه بوسط الصواني بزفة أعراس
يالصوتج غنوه ومشيتج ناي
تتغازل بيهه الطوايف وتركص الناس
ياعين المها ويانهد فنجان
ياشعر الحرير النازل من الراس
يامحله الوشم عل وجنه
مدكوك مطبوع بوجنتج
جنه شذرة ماس
أحب كل دكمه مخيطه على الثوب
جيفن للصدر حراس
يالطولج محبس ذهب مصيوغ ياجف اليحضنك ويصير الك لبباس
تعال اسكن بالكلب خل يفرح الدلال
وبودادك حيل أحظنه وردله الأنفاس
الزم فاسك وحرث بكايه الروح
عمر الكاع ماتكره ضربة الفاس
================
بقلم علي الناصر
رد مع اقتباس
المشاركة الأصلية كتبت بواسطة صاحبة العيون العسلية
