رب الهيجاء أسد الزهراء
يفعل مايشاء في كربلاء
يومك هذا ياعباس
يبني البيك الكفاية
لاتنظر يجيك الجيش
أنت تعنه اله عناية
والسبعين الف خيال
تموت بخفكة الراية
حكك ع العدة زعلان
متعلم عله اهوايه
ماتلكه النهر موجود
ولاتلكه المسناية
من كالو اجه العباس
من عندك شرد مايه
سر الاسرار مفتاح النار
غضب الجبار في كربلاء
يوليدي السهم لو جاك
خلي كباله جفينك
بالك لايصيب العين
هودج زينب بعينك
لاتبني الخيم عالكاع
ابنيها عله متنينك
دربك التفاته يصير
بين الخدر وبينك
بكل خطوة جدم لحسين
عفر يبني خدينك
مو العمامه ذب الرأس
من تدخل عله حسينك
ياملك الجود انت المعدود
جيش المعبود في كربلاء
كل أصبع بدينك سيف
عشرة البالطف جفوفك
عين وياء أليف وسين
قرآن الوفه حروفك
لبست كعبة الله خيام
وتعنت عله طفوفك
سعت بين العلم والجود
عطشت خاطر تطوفك
يالموجود كبل الكون
كاع الله وسمه نشوفك
وربك آدم وحواء نزلهم عله جفوفك
يانفخ الصور
ياعتق الحور
ياسورة نور في كربلاء
صح انت عظيم اهواي
بس يم زينب شعظمك
ياعباس أمير الكاع
صارت كربله بحكمك
يوليدي ويأجمل تاج
حطه الله عله رأس امك
زغير ومن تجي النسوان
خاف يحسدن نضمك
مسمينك كمر ونكول
خاف انت احله ونضلمك
يا اترف قصيدة شوك
بالطف زينب تنظمك
سيف العباس ذبح الوسواس
في قلب الناس في كربلاء
لتحميل القصيدة اضغط هنا
رد مع اقتباس
المشاركة الأصلية كتبت بواسطة Salam Salman
