هنا

[كرار الحسيني]

اليشوفچ بس دمع ما يمتلك شــــــوف
واكيد بعين گلبه يوجــــد اشكـــــــــــال
اليعرفچ بس مره ومسبيه للشــــــــــام
بدرس فهمچ يزينب طالع اكمـــــــــــــال
الرواية البيچ تحچي اتمثل الليـــــــــــل
وطبع الليل جاهل واحنا عُقـــــــــــــال
اچتفها الرواية المالها اخــــــــــــــلاق
واحط اصبع افكاري بعينها اخـــــــــلال
طرف شيلة الحرة بكبر الحسيــــــــــن
نعم مو شيلة چانت ملجئ اطفـــــــال
أعصابة راس زينب چان عبـــــــــــــاس
وتوصل يم شعرها أعيون الانــــــــذال
أكفرها العقول الگالت أعليـــــــــــــچ
أنكشف خدر راسچ يم الأذيــــــــــــال
لون مكشوف خدرچ يخت الحسيــــن
چان من الخليقة المستحه انشـــــال
واحلف ما بچيتي بيوم الأطفـــــــــــوف
رغم ما تحت جفنچ تخـــــــــــدر أدلال
ولكن ما طلع دخــــان العيــــــــــون
أمكابر حظرتچ مــا يخطر أبـــــــــــــال
وعلى التل ما وگفتي وأقنع أشلـــون
التل ما شال روحه ايشيلها اجبــــال
واليگول انضربتي بعقلــه مضــــــروب
المثل هذا واشباهه انريـــــد غربــــال
زينـــب تنضرب والكافــــــل اينـــــــام
وعلي ايعزل الدنيا بزنده الشمــــــال
الحرب دارت رحاها من ورى حسيـــن
وگامت هيبتــچ تــــفرس بالأرجــــــال
لون اخيال متنچ لايحــــه الســــــوط
حماميل العرش چــا سووا انــــــــزال

[ღ عِشق ღ]

الحرب دارت رحاها من ورى حسيـــن
وگامت هيبتــچ تــــفرس بالأرجــــــال

السلام على عقيلة الطالبيين
زينب الحوراء
..

شكراً على نشرك كرار
أحسنت

[كرار الحسيني]

السلام على عقيلة الطالبيين
زينب الحوراء
..

شكراً على نشرك كرار
أحسنت

شكراً لشرف حضورچ متألقة دوماً