يخيمات باچر ليش تحترگن يخيمات
انه لوحدي وعندي يتيمات
عوفنه چدم زينب يجمرات
باچر ولايبقالي أخو بين الغرب وحيده
باچر وراي اشگـد ركض للمشرعه البعيده
الزم طفل يعثر طفل سوط التوه اعله إيده
احمي برقيه من الجمر خولي يطـگ حميده
يالعيون ابـچف أجناب تنسطرن يالعيون
باچر وين تنظمن يالمتون
عگب الگمر حدايه اليكرهون
باچر اشوف الماشفت كل عمري وحياتي
باچر تره ارماد الخيم سجادتي الـصلاتي
باچر يظل سوط الشمر يندل متن بناتي
معناها لو جابو حبل ماظل ولي الـخواتي
يموتون باچر كل هلـچ زينب يموتون
ناس بهلت ادموعـچ يشمتون
زينب وليه نوليها يصيحون
باچر اميرات الخلـگ تشبع بـچي وشماته
يوگـفهن أگـبال الگمـر زجر ويطـگ خواته
باچر ترى حسين العصر مايلحـگ الـصلاته
فوگ الترب اومايجي يشوف الجرة الـبناته
يالخوان باچر عازه عازتكم يالخوان
يالخوان وانتم رؤوس ماعندكم ياوليان
بين الخيل زينبكم يالحنان
باچر تهد خيل وزلم تحرگ خيم علينه
يترس وجه شمر الضحك ويتشمت ابـچينه
وآدم فلا عدهم رحم وانشاگـف ابـإدينه
باچر ولاعباس أكو لو فزعت يجينه
يعباس نصيح ومايرد لينه
يعباس توگـف بينه وبيني شكثـر ناس
الجيش طلعت عينه ينوماس
باچر تفر كل الحرم بين الغرب هضيمه
ويذبحنه ميمون الولي من يصهل الظليمه
بالحومه كل حافر فرس كاسر ضلع يتيمه
وراس الحسين ايصب دمه من لحيته الكريمه
الايتام من جرح الحبل تنحب الايتام
بعد اشضامه الـزينب يالايام
عگب الخدر المسلب بعد شام
للتحميل mp3 اضغط هنا
رد مع اقتباس
المشاركة الأصلية كتبت بواسطة Salam Salman
