عشت وحدي لان ماحصلتلي انسان
وكت الموت يتوسد وسط لحدي
وعشت ميت
متت عايش
انه اعرف ليش ماواحد يرافكني لان صدكي
مامغرور بس اختلف عن الناس
مثل الناي ابجي البشر
واعرف تركص الحيه
ما افرش درب ملكاي للماله خلك جيه
المايفهمني ماجبره يرافكني
احب الخير للبي شر
ماامن بياهو الجان
طبع الماي يتغير
بلم ماصير ياهو الجاي راكبني
نهر ماصير كل ابنادم يطرني
اعيش بوحدي مااهتم
ولا احبن بشر ذلني
وانه ذاك اليكضي ليله ايبوس بشفاف الجكاره
وينتظر ما مش خبر
ينطر بناسه النسوه وعاشروا وادم غريبه
بلحضه مايوم انذكر
وهيه هيج
دمعه دمعه الليل خلصته وغفيت
شكد سوالف ضاله ابالي ارد اذبها
وما لكيت انسان يفهمني وحجيت
وياضحكتي الضيعتها ابسبب وادم
هواي بيها النون من جلمه الناس
ناس ماتعرف تفرزن
عدهم العاكول ورده
وحاسبين الشوك ياس
و كلها عدت وانت خايب عازتك مثل الجكاره
اعتازك وماريد اردلك
والمصيبه هواي رادوني وعفتهم
محد يزعلني مثلك
ليش من احتاج ضحكه ادزلي دمعه؟؟؟
وليش من احتاج ضلمه ادزلي شمعه؟؟
وانه مشكلتي احبك
مدلي جفك خل اعيش
ابدونك الزاد شيجهبه
والعسل جن حنضل وما ينجرع
وشنهو احلى من البلابل
غردت يم ملتقانه
وصوتها ولا ينسمع
رد مع اقتباس
المشاركة الأصلية كتبت بواسطة أتنفس هواكم
