أتحداك تكول عليه جذاب
.
.
.
كلكم إتعرفون الحرب العالميه الثانيه تقريبا بالـ (1935).. آني چان بوكتهاعمري 16سنه... المهم گاعد بالبيت دا العب بلي ستيشن 2.. دگ الموبايل مالتي (اي لا تتعجبون.. اني من ذاك الوكت عندي موبايل)
...
... .
.
.
.
اي اكمللكم.. دگ الموبايل.. جنت خال نغمة مال هيفاء (بوس الواوا).. شلته .. طلع (رئيس الجمهوريه مال روسيا).. گلي: وليدي.. آسفين على الازعاج بس الوضعيه حيل عاوية.. والجيش نصه راح بالزلك.. محتاجيك حيل.
.
.
.
.
آني صفنت.. إتذكرت أيام الطفوله.. مِن چنت ألعب دعابل بروسيا ويه إبن الوزير.
.
.
.
.
گتله عمو... إبطن عيني.. هسه بس أفوّل المولده التايگر للبيت.. وأجيكم
.
.
.
.
ترست المولدة.. وچيـّـكت الدهن.. وأخذت البايسكل مالتي.. ذبيته (d) .. وقبـّـطت سكليتر.. وين ؟؟.. على الخط السريع مال (حله- كربلاء).. ومناك گلت آخذ يمنه على روسيا... نص ساعه اني بنص موسكو.. بس شحچيلكم ! !.. باردة ثلج.
.
.
.
.
شغلت التدفئة مال البايسكل و صعّدت الجامات... گلتلهم وين بيت رئيس الجمهوريه ؟؟.. گلولي بقطـّاع 20 يم مرطبات (علاوي جرثومه)
.
.
.
وصلت.. دگيت الباب.. طلع أبو مصطفى (إبن الرئيس الروسي إسمه مصطفى لأن مرته من الديوانيه).. خطيه الرجال حالته جانت زفت.. حظنـّي.. وگلي الله جابك.. گتله خير عمو؟؟.. گال هيچي وهيچي السالفه.. والالمان طبوا بينه گول..گتله عمو.. صدگ چذب.. اني موجود وهيچ يصير!!!
.
.
.
اني رايح.. منا ليومين ان شاء الله تسمع خير
.
.
.
طلعت رحت على ولد أعرفه بروسيا اسمه (قاسم) هذا شقاوه مال بغداد چان صديقي الروح بالروح.. گتله قسومي هيچ وهيچ الفلم أريد أسلحه.. گلي تدلل شتريد؟؟.. گتله اريد 65 صاروخ (أرض- أرض)..... و34 صاروخ (أرض- مي) اقصد(ارض- جو)..... و 89بي كي سي..... و فد 6784 رمانه يدويه...... و54564 لغم منوع بين مضاد للبشر ومضاد للدبابات
.
.
.
خلالياهن بعلاگه.. اخذتهن وعدل وگٍبل للجبهه.. وين؟؟.. بالخطوط الأماميه... ما اجذّب عليكم الوضعيه صدگ چانت داچـّه (يعني تعبانه).. بس اني اخوكم خوما اخاف!!.. لا يابه لا... گلتلهم للجنود انتوا لمـّوا چوالاتكم ورجعوا لبيوتكم.. ماألكم علاقه.. السالفه يمي صارت
.
.
.
باوعت يمنه.. يسره.. شحچيلكم بلـ (564674534 جندي ألماني).. وكل واحد راكب دبابة منفيس حديث.. بس اني تعرفوني سبع.
.
.
.
نصبّت الصواريخ على چتفي وصيـّحت... اني إلكم.. طبا طبا.. طاخ طاخ طاخ..الزگه.. جيبه.. ودي.... إصلخه.. ألطمه (هاي موسيقى تصويريه).
.
.
.
صفيتهم بقوا بس 7 جنود ودبابتين واني باقيلي رمانه وعلچ أبو السهم...... شسويت؟.. لزگت العلچ أبو السهم بالرمانه وشمرتها على الدبابة.. لزگت بيها.. وچان تنفجر.
.
.
.
بقت دبابة وحدة.. ركضت عليها وبيدي قلم أبو النبالات (لحد يگولي منين جبته.. هوه إجه)...وبالقلم گطعت (التايرات مال الدبابه ).. وگفت... گـُمزت عالقمارة.. فتحت الباب.. نزّلتهم بيدي.. واخذتهم أسرى.
.
.
.
طبعا وره ما هيچي سويت.. إجه الرئيس الروسي وباسني من راسي وگلي:.. وليدي انته اقوى من گرندايزر..
.
.
.
گتله:.. لا عمو ما سويت شي آني.. عادي.. وانطاني هديه سيارة لادا بعدها ماماشيه بالچيس.. واشترولي بنطرون كتان أصلي من الصين درجة أولى.. وحذاء أديداس أبو العلامة.
.
.
.
رجعت للبيت.. وشغلت المولدة.. وگعدت اتفرج ( سبونج بوب)
رد مع اقتباس
ههههههههههههههههههههه ياربي ايموت ضحك هذا الموضوع وين جان 
بالتألبف