هنا

[ارجع يازمان]

زنجيل
،،
جا وين الكمر والليل خَيم وسط المخيم
وين الطشر العدوان واحنه ابزوده نتشيم
ياناس انه اخت عباس
زينب ما تطخ الراس
لكن من يطيح الساس-كل بناياني يتهدم
خيَم وسط المخيم

:::::

عاينت الصفوف اهواي وانه انخطفت الواني
ناديت الكفلني ابهاي خويه ابشاربَك اني
صاح ابزودي لتخافين مافاز التحداني
باجر راح اخلي الجيش واحد يلعن الثاني

انتي ابشاربي وتبقين
زينب خويه لتخافين
واحلفلج بعد بحسين-أصبغ كربله بالدم
خَيم وسط المخيم

:::::::::

انه امدللة عباس جان ايضمني بعيونه
لمن ما طلبته الماي كال الطلبه مضمونه
صال ابصولة الكرار فنهم لو يلاكونه
واشكد عالنهر حراس ماكدر يمنعونه

منهم ما سمعنه الصوت
وبزود اليجيب الموت
ياكاع الصفت تابوت-بيهم لمن اتحزم
خَيم وسط المخيم

:::;;::::

لمن ماهجم عباس والجيش اختلف بالراي
صاروا كلهم ايكولون هالواحد نشوفه اهواي!
وبكل جبهه ويصيحون هالفارس عليهم جاي
بعثرها الصفوف اهناك عطشان ويريد الماي

​وبايده الفرات اليوم
كاسر خاطره المظلوم
كله يانهر للدوم-بعد احسين تتحرم
خَيم وسط المخيم

​
::::

لو بس بقي للعباس هالجف وتشوف العين
هيهات الشمر لدوم يوصل يم اخوي حسين
والكالو تدوسه الخيل جا حاروا الشرده امنين!
لكن مابقتله اجفوف والراس انجسم نصين

طاح وهجمت العسكر
أه ياطف المكَدر
والوالانه يتحسر
بينه الهسه يتألم
خَيم وسط المخيم
​حسين االساعدي

[ღ عِشق ღ]

احسنت
أبيات رائعة
تقييمي

[روجـيـنـا ♡]

رائعة
احسنت
تقييمي

[كرار الحسيني]

أحسنتم بارك الله بيك