مرحباً بنوتات حبيباتي
راح اسولفلچن شنو استخدمت لبشرتي وشنو الي فادني
اني بشرتي من النوع الجاف واعاني من تحسس بسبب تغير الجو
وحبوب تصير تحت الجلد مؤلمة بس مبيها رؤوس او ما شابه
المهم
أستخدمت عدة اشياء لوجهي
بالبداية أجتني نصيحة بمي الورد والنشة
يوضع كقناع للوجه
طريقة صنعه كلش بسيطة ولطيفة
ملعقة نشة ومعلقة مي ورد وكوب ماي
تخليهن ع النار لحد ميتماسكن ويصير المكون كثيف شوية
خلي يبرد شوية وحطي بالثلاجة
كل يوم تخلين من عنده لوجهج
لحدما يجف وغسلي بعدها بلطف وجففي بنعومة
..
بعد ما استخدمته اتخلصت من الحبوب
بس هالقناع سببلي جفاف شديد بالوجه
واهنا انوجدت مشكلة تعيسة أخرى
فأخذت من العطار زيت اسمه زيت الجوجوبا
هذا الزيت
يرطب البشرة ويقلل من هيجانهة ويعالج الحبوب
هاي اذا كانت البشرة جافة مثلي فقبل لتنامين
تغسلين وجهج بغسول يلائم نوع بشرتج
بعدها
تخلين من الزيت كلش قليل بيدج وترطبين بعدهة وجهج الحلو
راح تلاحظين الفرق بيومين بس
وعن تجربة شخصية
هاي صورة الزيت
........
حاولن قدر الامكان دائماً تقشرن وجهجن
استخدمن سكر اسمر وزيت زيتون
واذا تخلن مكياج يومي للدوام
فواجب حرام تركه التقشير
ولتقشير الشفايف انصح بسكر وفازلين
راقيات
بس لتخلين ماي ورة استخدام الفازلين حتى ميسوي إسوداد بشفايفچ
حاولي دائماً تكون أديچ نظيفات من تلامسين وجهج
لأن الحبوب مصدرها بكتريا وفطريات
وبطلي تبوسين البنات الي يعانن من حبوب الوجه
........
الشعر بالوجه كذلك يسبب دخول الاوساخ وتكوين حبوب تحت الجلد
دائماً سوي ازالة للشعر
لأن هوة مصدر الدهون والاوساخ بالوجه
قبل المكياج حاولي ترطبين وجهج بمرطب مناسب او استخدمي برايمر بس كون اصلي حتى ليأذي بشرتج
وبالحقيبة وياج
استخدمي قنينة عطر
نظفيهة زين وخلي بيهة مي ورد ومي عادي ودائماً من تحسين جفاف بوجهج رشي اعلية ^-^
واكو صابون كوري جداً لطيف ع البشرة ومكوناته طبيعية 90%
وللجسم استخدم ذني اللوشنات بعد الحمام
طبعاً اكو زيت وكريم جونسون كذلك
عطرهن لطيف وينطن نعومة راقية للبشرة
رد مع اقتباس
