هنا

[Ibthal]

صباح علوي حسني حسيني للجميع
اسمع وارى من الطالبات والطلبة هنا وهناك ان الدروس العلمية تشكل مشكلة ومع الدروس العلمية اضافوا ايضا قواعد اللغة العربية (النحو)،، والدروس هي الرياضيات\\ الفيزياء\\ الكيمياء،، هل السبب بالمدرس او بالادارة لان الطالب خالي علاقة من اسمه طالب يعني يطلب العلم والتوضيح من المدرس،، بعد شرح الموضوع لمرة واحدة من قبل المدرسة تقول للطالبات بالحرف الواحد ( معلية بعد شرحت الموضوع مريد اي سؤال لان معندي خلكَـ ) فيضطر الطالب لشراء الملزمة التي لاتعلم الطالب بشيء سوى انها تعطي الطالب الجواب الجاهز على حساب معرفة من اين اتى الحل وكيف اصبح الحل بهذا الشكل، او يضطر الطالب والطالبة بالذهاب الى النت وهايه المشكلة مشكلة المشاكل لان طالبة او طالب بعمر الزهور لايتجاوز عمره 13 او 14 سنة ويروح يدخل نت كارثة بحد ذاتها!زين اذا مكو خلك او مريض لويش متتقاعدن او تتقاعدون وتفسحون مجال للشابات والشباب حتى ياخذون مكانكم! بعدين لويش بالدرس الخصوصي تعطون مادة طازجة للطالب او الطالبة وبدرس المدرسة متعيرون اهمية للدرس!الحالة بين امرين اما المدرس او المدرسة تخشى من فسح المجال للأسئلة خوفا من عدم معرفتها الاجابة او تريد تاخذ خصوصي، شنو شغل المديرة او المدير معقولة متسمع لو تخاف يصيرون ضدها ويطلعوها من الادارة،طبعا هذا الكلام سمعته من الجوارين البنات يومية يسولفن بهذا الشكل،، واكو حالة اخرى مسامعتها بحياتي وهي كيف لخريجة معهد حاسبات تقوم بإعطاء درس خصوصي بقراءة الصف الأول ابتدائي والمحاضرة بثلاثة الاف دينار والبنية التي اعطت الدرس جوارينه الحايط ع الحايط اقسم بالحسين،قلت لها حبيبتي لويش تورطين روحك بهايه المعمعه خطية ذولي بعهدهم صغار تكولي اهم شي الفلوس!
شكرا

[Salam Salman]

شكرا للطرح

[Ibthal]

شكرا لمرورك

[نـايـا]

مشكلة ليس بالمدرسين فقط الطلبة كذلك عديمي مسؤولية امام مستقبلهم
المدرس من يشرح الدرس ويتعب وبالتالي الطالب مايستوعب ﻷن كان شارد بغير عالم

[Ibthal]

مشكلة ليس بالمدرسين فقط الطلبة كذلك عديمي مسؤولية امام مستقبلهم
المدرس من يشرح الدرس ويتعب وبالتالي الطالب مايستوعب ﻷن كان شاردة بغير عالم

لا المدرس المسؤول الاول باعتباره هو من يعطي المادة وعليه الاجابة عن اسئلة الطلبة واما قضية الطالب او الطالبة متحضر فهايه نسبية وليست مشكلة بحد ذاتها

[راهب]

مشكلة ليس بالمدرسين فقط الطلبة كذلك عديمون مسؤولية امام مستقبلهم
المدرس من يشرح الدرس ويتعب وبالتالي الطالب مايستوعب ﻷن كان شاردة بغير عالم

اي والله يا خوية عديمون جدا

[Ibthal]

اي والله يا خوية عديمون جدا

استاذي المحترم شكرا لتواجدك الكريم

[Noor M. Hassan]

صباح علوي حسني حسيني للجميع
اسمع وارى من الطالبات والطلبة هنا وهناك ان الدروس العلمية تشكل مشكلة ومع الدروس العلمية اضافوا ايضا قواعد اللغة العربية (النحو)،، والدروس هي الرياضيات\\ الفيزياء\\ الكيمياء،، هل السبب بالمدرس او بالادارة لان الطالب خالي علاقة من اسمه طالب يعني يطلب العلم والتوضيح من المدرس،، بعد شرح الموضوع لمرة واحدة من قبل المدرسة تقول للطالبات بالحرف الواحد ( معلية بعد شرحت الموضوع مريد اي سؤال لان معندي خلكَـ ) فيضطر الطالب لشراء الملزمة التي لاتعلم الطالب بشيء سوى انها تعطي الطالب الجواب الجاهز على حساب معرفة من اين اتى الحل وكيف اصبح الحل بهذا الشكل، او يضطر الطالب والطالبة بالذهاب الى النت وهايه المشكلة مشكلة المشاكل لان طالبة او طالب بعمر الزهور لايتجاوز عمره 13 او 14 سنة ويروح يدخل نت كارثة بحد ذاتها!زين اذا مكو خلك او مريض لويش متتقاعدن او تتقاعدون وتفسحون مجال للشابات والشباب حتى ياخذون مكانكم! بعدين لويش بالدرس الخصوصي تعطون مادة طازجة للطالب او الطالبة وبدرس المدرسة متعيرون اهمية للدرس!الحالة بين امرين اما المدرس او المدرسة تخشى من فسح المجال للأسئلة خوفا من عدم معرفتها الاجابة او تريد تاخذ خصوصي، شنو شغل المديرة او المدير معقولة متسمع لو تخاف يصيرون ضدها ويطلعوها من الادارة،طبعا هذا الكلام سمعته من الجوارين البنات يومية يسولفن بهذا الشكل،، واكو حالة اخرى مسامعتها بحياتي وهي كيف لخريجة معهد حاسبات تقوم بإعطاء درس خصوصي بقراءة الصف الأول ابتدائي والمحاضرة بثلاثة الاف دينار والبنية التي اعطت الدرس جوارينه الحايط ع الحايط اقسم بالحسين،قلت لها حبيبتي لويش تورطين روحك بهايه المعمعه خطية ذولي بعهدهم صغار تكولي اهم شي الفلوس!
شكرا

جعل الله كل اوقاتك خيرات غاليتي

جوهر الموضوع هو النية و الاخلاص في العمل

لو بس يدركون بان كل عمل او فعل له تاثير و عواقب على الحياة بالدنيا و الآخرة و بان الانسان محاسب عليه امام الله تعالى و لو استيقظ الضمير الانساني الغافي عند البعض لانتهى الاهمال و عدم اتقان العمل و الفساد بل ساعتها حتى الناس تبتدي تجنب كل خلق سيء
و هنا يجي دور التذكير و التوعية و النصيحة و الدعاء لانه هو هذا الحل

مشكورة جدا للموضوع الهادف عزيزتي الغالية و تحياتي

[تـمــيــڒ]

او يضطر الطالب والطالبة بالذهاب الى النت وهايه المشكلة مشكلة المشاكل لان طالبة او طالب بعمر الزهور لايتجاوز عمره 13 او 14 سنة ويروح يدخل نت كارثة بحد ذاتها!

هذه المشكلة فاقت مشكلة الموضوع الرئيسية..اعترف

شكرا

[Ćat]

من چنت بالثالث ، چانت ام الكيمياء تدخل تملي السبورة حچي وتطلع ،شلون صار كذا ووين وشلون معليها ولا تتعب روحها
ومن چنت اطرح عليها سؤال تگول مقارية ! زين هيه مسألة بيها باب وجواب ونقاش المفروض ، بس لا ذمة ولا ضمير طبعاً
اخر شي اشتكيت عند المديرة آني وصديقتي بس ،لان الباقيات جانن خايفات منها ، ومن اجت المديرة للصف وسالت شلونها ست فلانه كلهن سكتن ومكالن شي!(الله لا يوفقهن) بس آني حجيت تالي وصل الحجي لام الكيمياء ولزمتني سنة كاملة عداء


.......
إلي اريد اوصله أنو بعض حالات الفشل الدراسي تجي بسبب:
-المدرس اولاً(لإن مدينطي حق الطالب) أما متعاجز او ما إله خلگ لو متعاركه الاخت مع زوجها وتجي تطلع قهرها بالدرس.
-الطالب إلي يبقى حبيس الخوف من المدرس(خاف تتعاند ويايه)وبالتالي يسكت عن حقه .
........
بس طبعاً هل الشي مو عام ، اكو مُدرسين فعلاً عباقرة ، ويوّصل المعلومة وينطي للدرس حقه ،والطالب لا مُبالي ومُهمل...
بالنهاية تبقى حسب مسؤولية الشخص وامانته

يسلمو