هنا

[بحار تائه]

مساء الخيرات عليكم درر

اكيد كل شخص هنا مار بمحنه او موقف صعب خله الدمعه منتظره بطرف عينه .. او حبس علي انفاسه
او انسدت بوجهه كل الابواب اللي كان يفكرهه مفتوحه وممكنه بطريقه ....
ما ابالغ اذا كلت اخر شهرين بالتحديد ولسه ينطبق علي الكلام اللي ذكرته فوك .... مرات اطب للدرر اشارك ( ولو هي مشاركات نادره ) او مجرد اتصفح المواضيع والردود ارتاح نوعا ما .. بس الدنيا كلما يصحلي بيهه ضوه ما تقصر تطفي باسرع وقت ...
عموما اللي اريده من هالموضوع ان امكن اي شخص يمر منا يكتب طريقته للتخلص من هالامور وادري بيكم ما راح تقصرون ....
يمكن كان المفروض اصير اكثر شجاعه وانشر الموضوع بقسم ثاني بس صعبت علي لان متعود الشخص الوحيد اللي اشكيله همومي هي نفسي فقط ..
لذا نشرته هنا حتى اخفف عدم الراحه اللي تتولد بداخلي

[ليـــــــــــنا]

باع عزيزي اول شي لازم شيل كل وهواس عندك تحاول تغير من الطبيعه او روتين اسمع قران أقرأ روايات هاي اذا متكدر تطلع
حاول تكتب وتخفف عن نفسك ترى الي يخلي باله أن هو سعيد ومرتاح واللله راضي عنة يبقى سعيد لأان طاقه ينطي النفسة بس الي يظل متكئب كلشي ينكلب ضدة يصير يبث طاقة سلبية

[هــاجــر]

مو ازفت من حظي.. ماتلحك تنفتح الابواب.. الف ايد تنمد تسدها.. اعرفها وماعرفها… ؟

[Suzana]

بس خلي ابالك مو بس انت هيچ اكو من يمر بأصعب من حالتك هذه والسبل كليتها مسدسده مادامك بالعراق فهذه الامور طبيعية وصعب تنفتحلك عدة خيارات لكننا عايشين ولازم نواكب الحياة ونعيشها بحلوها ومرها ونحاول نغير بالواقع الافتراضي اللي جاي نشوفه بواقعنا بالحياة الحقيقية نتسلى مع الاعضاءبالمواضيع والردود ونحشش مرات كوله علمود ننسى الواقع اللي عايشين بيه ..

[Noor M. Hassan]

و مساء الخيرات الك ايضا اخي الكريم

توجه الى الله سبحانه و تعالى هذا هو الحل الوحيد

اكعد وي نفسك و شوف شنو عندك ذنوب لانه الذنوب تاثر على حياة الانسان بالسلب و استعين بالله انه تبطلها تماما و استودع توبتك هاي عند الله سبحانه و تعالى فهو يحفظها الك و ما ترجع للذنوب و حافظ على الصلوات بوقتها و استغفر كثير و اتصدق و اذا تكدر صلي نافلة الليل يومية و اذا ما تكدر فبس ركعتين الشفع و ركعة الوتر من نافلة الليل و وقت نافلة الليل من بعد صلاة العشاء الى الفجر فماكو صعوبة و لكن افضل وقت الها هو بعد منتصف الليل و كلما اقترب الوقت من الفجر كان افضل فحسب استطاعتك و اقرا اذكار الصباح و المساء يوميا و اقرا آية الكرسي بعد الصلوات و اقرا القرآن الكريم حتى لو سورة صغيرة يومية ايضا و اسمع قرآن كلما تكدر مع تركيز بس لا تضغط على نفسك يعني من تحس نفسك ضايج او تريد تبجي اسمع كلام الله او احجي وياه و ادعي الله باي شي تريده مع يقين انه الله يحققه الك اذا بي صالحك و لا تستعجل حتى تشوف فرق يعني مو بين الليلة و ضحاها بس الله قادر طبعا يشوفك فرق اسرع من لمح البصر فاحسن الظن بالله سبحانه و تعالى و توكل عليه بكل شي و هو حشاه يخيب عباده

و موفق ان شاء الله دائما

[fairy touch]

مرحبا ...
قريت سطورك القصيرة اكثر من مرة ...
اعتقد انه انت ما خليتنا بالصورة بوضوح ..
و اكيد انت عندك معطيات اكثر ..و تعرف المشكلة الأساسية اللي دا تخليك تعتقد ، و اشدد على كلمة تخليك تعتقد ، انه كل الابواب دا تنسد بوجهك ..ماكو واحد كل الابواب مسدودة بوجهه ...هاي مو عدالة ..و رب العالمين عادل ..بس انت اكو شي اساسي بحياتك مدا تكدر تحققه و لهذا دا تشوف الصورة هيچ سودا ...
اتمنى تعرض مشكلتك بموضوع اخر حتى لو بهالقسم مرة ثانية ..حتى نكدر نحچي وياك بالمفيد ..
تذكر دائماً ..دائما ..كل مشكلة و الها وقت و تزول ...و مرات الحل قريب و ما نشوفه ..
تمنياتي الك بالراحة و السعادة .

[رامي الاصيل]

واذا تنسد بوجهك كل ابواب الفرج ..؟ اضحك عليها لان هي راح تفرج غصباً عنك وعنها ( الابواب ) .. بس هي
تحتاج شوية صبر وصلابة و بعدها وداعتك اتصير سوالف ( كلما ضاقت..فرجت )