هنا

[ارجع يازمان]

المستهل
الله ايعينه الله ايعينه
شاف اهموم الطف ابعينه

شاف احسين ابطول اجروحه
وعباس اشلون امكطعينه

ميت من ذيج الايام
ميت بالدمعه ومحتام

شاف اهموم الطف ابعينه

:::::::::

ياهو اليكدر يصبر بينه
واحد باحبابه ايجرحونه

السجاد ايشوف ابعينه
احسين اكباله ايذبحونه
احسين اكباله ايذبحونه

ياهو العدونه اماسرينه
ولارض الشام ايجرونه

السجاد والله ايعينه
بالسوط اشكد ايضربونه
بالسوط اشكد ايضربونه

ميت بالطف المبخوت
ماندري اجم مره ايموت!

شاف اهموم الطف ابعينه
شاف اهموم الطف ابعينه

:::::::::

يشكف عن زينب مايدري
يشكف هالسوط اعله ايتامه

ويعاين ودموعه التجري
روس اهله الصارت كدامه
روس اهله الصارت كدامه

يازينب محتار ابأمري
كال الها وماراد ايامه

شيجيبه وافديه ابعمري
شيجيبه المطبور الهامه
شيجيبه المطبور الهامه

محتاجك جدي الكرار
محتاجك ونريد الثار

شاف اهموم الطف ابعينه
شاف اهموم الطف ابعينه

::::::::::::::


ياصوره المنهن ينساها
كلهن مزروعات اباله

والنبله ابنحره اتلكاها
صورة عبد الله التبراله
صورة عبد الله التبراله

والرايه وجفين اوياها
جانت تتحده الخياله

وحسين وجثته الشافاها
هالصوره الكلش جتاله
هالصوره الكلش جتاله

والمسبيه ابلا كفال
محتاره ابلم الاطفال

شاف اهموم الطف ابعينه
شاف اهموم الطف ابعينه
حسين االساعدي

[ღ عِشق ღ]

احسنت قصيدة رائعة

..
مأجور شاعرنا الساعدي

تقييمي

[كرار الحسيني]

مأجور بارك الله بيك