دارميات جديده لبطولة العباس وصبر زينب ع_حسين الساعدي
شَمر اجفوفه اهناك جي جاسن الماي!
يدري السبط عطشان واستهضم ابهاي
::
جف اليجيس الماي ماراده عباس
كبل الحسين الماي ميريده ينجاس!
::
ما شرب كبل احسين حد المنيه
هذا البطل عباس وفه الاخيه
::
استحه ايروح اهناك بزنوده جفين
وينكطن بالماي كدام الحسين!
::
شايف فرات ايصير بالجربه كله!!
سواها ابو الكلفات لمن نزل له!
::
جف ويثلم اسيوف هم سامع ابهاي؟
شوف البطل عباس واتعجب اوياي
::
يازينب الجفين كدام الحسين
وانوب اضحي العين بس لا تخافين
::
راح اقبل ابهل سيف يتكطع الهام
خاطر يروح اوياج ياخويه لشام
::
راسي اليروح اوياج لاجل الحراسه
والكال اسيره اتروح خاطي ابقياسه
::
ذوله المشو خدام ما أسروها
زينب مشت لشام وي راس اخوها!
::
هيبة علي الكرار عدها الجبيره
راحت صدك لشام بس مو أسيره!
::
راحت تبث الصار بالغاضريه
معناها ناطق صوت لابن الزجيه
::
أول فضاءيات تنشر قضيه
بثت اخبار ابطال بالغاضريه
::
خلت الناس اهناك تسمع صداها
حرب الطفوف اشلون دارت رحاها
::
كل الحقيقه اهناك ودتها لناس
شايف اسيره ابيوم ماطخت الراس!
::
تمشي ابخت عباس بت الزجيه
خلت الخوفه اتصير بجيوش اميه
::
شُبه لهم بالشام عود أسروها
لكنها زينب يوم ما عاينوها!
::
محد وصلها اهناك معنى الحقيقه
جان المَلك لشام ماشي ابطريقه
::
مكسوفه شمس الكون خافن يشوفون
زينب تمر مناك معميه العيون
::
زينب وما ادارك معنى العقيله
شافوها ناس اجناب! لا مستحيله
::
اتحده كلمن كال زينب شفتها!
هالكلمه بارض الشام رحت وكلتها
::
الشمس مطرت ليل غطت خدرها
زينب مشت لشام محد نضرها
::
بت حيدر الكرار واحسبها وياي!
تقبل اسيره اتروح ما تنعقل هاي
::
عمة الساده اشلون زينب بخيته
والعاكس المبخوت عثره ابمشيته
::
حسين االساعدي
رد مع اقتباس
المشاركة الأصلية كتبت بواسطة Salam Salman
..
