*********************
مو شص وحكَ عيناك سلّيه ذبيت
خلي اليصير يصير خلي أهجم البيت
************************************************** ***********
مرت علينه إسنين بس نسمع أخبار
بلكي إنقلاب إيصير والطاغي ينهار
************************************************** *************
ما قصّر الله إبهاي ودّه البطل بوش
داس إبطن صدام وتفلش الحوش
************************************************** ***********
خابرت أمي إبساع.... يا يمه وينج
باجر نرد للبيت..... خل تكّر عينج
هلهلت يم الباب...... وإلتمت الناس
مبروك ألف عالخير راح إبن المداس
من غبشه كَبل الناس راحت على السوكَ
جابت حضن صمون عود إنّه ريّوكَ
************************************************** *********
شعلت بخور انوب وتبخر الدار
عام ونص إمتانين والقوري عالنار
************************************************** **************
أيست.......... والأيام طالن عليها
وردت مثل ما جان.... تصفج بأديها
**************
فرحتنه بالتغيير طلعت حلم نوم
مثل السراب وراح ما يبكَه الك دوم
كَلنه الفرج والخير والحظ إجانه
مثل الي راد إكَرون كَصوله إذانه
*************************************************
كَالوا بعد سنتين ونوزع إبيوت
تاليها حتى المات ما عنده تابوت
************************************************** *****
كيّفنه كَلنه نصير مثل الإمارات
ماي وضوه وتبليط مو بس قرارات
************************************************** ******
حجّتهم إستقرار مامش بالبلاد
تانونه عشر إسنين ونضوي بغداد
************************************************** **
ننتظر عشر إسنين نحمي إعلى جوله
نتعارك إعلى إبريج ما عدنه لوله
************************************************** *******
جا ولكم شتردون غير المسيرات
يتنفس الجوعان حي بعده ما مات
*******************
رحمه العلم سواه مجلسنه لونين
إقماشه من باريس وفلوسه بالدين
************************************************** *
إمبارك وعالخير هاي العداله
صبح ومسه إيغنون عالبرتقاله
************************************************** ****
إلنوبه خاف التين من يسمع إيغار
وبساحة الفردوس يحتج على الصار
************************************************** *******
خل يحتج الرمان خل يحتج التين
مليوصه هيه وشاخ بالديره الكَطين
*****************************
رد مع اقتباس
