اشعار شعبية عن الحب رائعة جداً
سميتك نفس لو ينگطع ماعيش
وگلبي حبيبي وروحي سميتك
عفت الناس كله وماعشكت انسان
بس أنت عجبتني وحيل حبيتك
اعز مني عليه وغالي ع الروح
عليك اجذب اذا فد يوم مليتك
ماأكول احبك بس اموت عليك
لان جنسيتي انت واني جنسيتك
.........................
اريد اكعد كبالك لحظه عين بعين
بلكي وياك أنسه همومي وحزاني
وريد بقفص حبك أبقه مسجون
ولا أطلع برائه وانت سجاني
أجيتك تايه اني بغير عنوان
شدلاني عليك وانت عني بعيد
غير الگلب حبك ..وهوة دلاني
.................................
مجنون باعشرتك لاتظن انساك
ولا گلبي حجر حته أكدر بدونك
غدار الوكت ماخله جرحي ايطيب
دوم الروح عنك تسأل شلونك
صح دربي طويل وانت عني بعيد
بس تدري احبك وعشك عيونك
سألت الروح عنك جاوبتني دموع
ماحبك فقط ثاريني مجنونك
سلملي على روحك ياحبيب الروح
وذكرني باحلم لو غمضن عيونك
رد مع اقتباس
المشاركة الأصلية كتبت بواسطة ♡ Zahraa Al obaidi ♡
