لتقيس المواقف بس بالــرجال
مواقف للنسه لهليوم نــــومــــاس
والتاريخ يشهد بـــــــــــالتفاصيل
كون الراوي عادل يملك أحساس
الأفلام تعجـــــز تحچي عالصار
مايكفيهه والله اليوم قــــــرطاس
جلاده وصبر مايملكهـــه أنسان
صور للتضحيه مـــاإلهه مقياس
خديجة وفاطمـه وزينب شهادات
وأسم أم البنين اليرفع الــــراس
التفگد أربعــــــة ومضحيه للدين
أكيد إلهـــه الملائك دوم حــراس
مـــو هينه المصيبه أدوهن البال
واحــد مــن ولدهه الگمر عباس
وأبو فاضل تعرفه بساعة الكون
مثل حيدرعلــــــي للكلفه نبراس
ديــن الفاطمـــــــــــة لازم تأديه
ولان هيه أبيه وطاهــره الساس
تگل للناعي أگلك أبــــو السجاد
أنگطعت يناعــــي مني الأنفاس
يبن حذلم دگلــــــي وريح البال
عقل ماضل بعد بوسط هالراس
أدري بكربلــة مفقوده الأحباب
وأعرف أربعتهم فـــدوه لاباس
على الدنيا العفه من عگب الحسين
أبن فاطمة الزهرة وأعظم الناس