(عمـــوعمــــو)
عمو هنياللك موظف تشتري الولدك نساتل
عمو ماعدنه بغناكم بينه بس العوز ياكل
عمو عمو فدوه اسئلك وين هاي التنفجر
ارد احطهه ابيت ابيت ابوي
هلبت اطكـــــ اعله جوعي
...
اوهلبت اتمــــــــــوت الفقر
عمو عمو دلني بيهه
قبل لايجزي العصر
دلني بيهه اليل جاي اوخبزت الفقره شمس
لاتهز أيـــــــــــــــــــــــ ــدك عليمــــــــن
موبرئ الفقر يكتل كاتل بحينه شكثر
اطلع بحي الموظف كلها تضحك
تعـــــــــــــــــرفه ذاك ؟؟؟؟؟؟
صوت ثاني ايكول اعرفه
كاعد بحي التجاوز
بيته خيمه بلا سياج
اوشككت طبلت اذاني.......... بلاسياج
درت وجهي اودمعي يحجي والتزمت بذيج صمتي
اوجني مااسمع حجيهم واذني طرشه
اوصار وهواس اعله كبري
خاف شافوا ثوب اختي
انه صح اخدودي سمره....اوعمري ماشايف ترف
اوانه صح ابخيمه كاعد ..........ابيتي ماتوجد غرف
اوموعمود الكاض بيتي .....عاكد الخيمــــــــــه شرف!!!!
اورحت ادور غير واحد
غير واحــــد............
اومالكيت...........لالكيت
كام يسئل وانه اجاوب
انته شمخلص دراسه
اوجـــــــــــــــاوبيت
عمري سبع اسنين اومنحرم شوف المدارس
يشتغل حـــــــــارس ابوي ابيت غيره
اوخله الله ابيته حـــــــــــــــــــــارس
احنــــــــــــــــــــه والجيران اخيوه
ناكــــــــــــــــــــــ ـل الخبزه سوه
ماانظم كلشي عليهم حته نسمات الهوى
اليطيح بعله يشفه بغير مشفه
امي تاخذ تربت العباس واشربه دوه
حته نخلتنه مثلنه
تنطي للفقره رطبه واحنه حصتنه النوى!!!!
الهور ماي اومارفض مره طلب
الصريفه ابمــــــــــــــاي وجهه
اولوتشكك ثوبه ايخضر كصب
واحنه غيره ابماي وجهك
ليش ذبيت الشعب
ليش ذبيت الشعب
رد مع اقتباس
المشاركة الأصلية كتبت بواسطة Neo
