هنا

[hamza al-yassiri]

قصيدة يا موالي عندك ايمان ويقين للشاعر حيدر الخفاجي
4 محرم 1439 هجرية



يا موالي عندك ايمان ويقين ***** اني وانته نطلب من ام البنين
شيل جفك بالدعة *** وكلهه يم الاربعه
الله يدري بحاجتك بس هيه بابه
ويستحي يردهه يكلك مستجابه
انه اسولفلك عليهه بالنيابه
ماتحب الواسطه وبس للكرابه
بس تكلهه مطلبي كلش كلف ***** ماتقصر يعني مو إله عرف
جفنك يهل مدمعه *** وكلهه يم الاربعه
*************************
يلله حضر حاجتك شنهي التريده
مجربه ام عباس هذي موجديدة
هيه يمك بالمجالس مو بعيدة
ابشر تكله التشوفه رافع ايدة
شيل جفك هي وياك وتشوف ***** تبجي سكته جيه ابنهه بلا جفوف
عالشريعه مقطعة *** وكلهه يم الاربعه
*************************
هيه اطت اربعه وبس همه عدهه
تعتقد من تطلب من الله يردهه
اطت العباس والعباس كدهه
مو خرافه شدت امه من تشدهه
الشَدّة شِدة اعكد وهيه التحل **** كون كلفه مثلاً رايد طفل
لو عزيز امضيعه *** وكلهه يم الاربعه
*************************
الكلفه عد ام الوفه لاتضن كلفه
خو اذا كلتلهه بالمكطوع جفه
والله اذا عندك مريض تصير وصفه
اني كتلك تنتخي للماتعرفه
موعجيبه الله من خلاهه باب *** يحترمهه كراما ً لاربع شباب
هيه بابه الواسعه *** وكلهه يم الاربعه
*************************
أي نغالي بحبنه الهه من نحبهه
ندري بيهه معدله وابيض كلبهه
جنه مو بدويه علويه بنسبهه
وبيدهه تاخذ حوائجنه لربهه
من ربيعج خضر الحب والنبات *** ام الاولاد انتي مو ام البنات
كلهه بيهه مجمعه *** وكلهه يم الاربعه
*************************
جرب اقره الفاتحه واهديهه الهه
شوف اذا ما حاجتك تقضيهه كلهه
احسبهه مثل امك واكعد سولفلهه
شوف وين اليوجعنك روح كلهه
هي امنه وصوتهه نسمعه تصيح *** ها يولدي اشوكت تبنولي الضريح
والمنارة ملمعه *** وكلهه يم الاربعه
الشاعر حيدر الخفاجي

[Salam Salman]

شكرا جزيلا لك

[روجـيـنـا ♡]

مشكور

[ღ عِشق ღ]

السلام عليكِ يا اُم البنين
...
( راقت لي القصيدة
تحياتنا للشاعر المتألق
حيدر الخفاجي
موفق )
...
" شكراً سيد حمزة ع القصيدة "
اُجرت

[كرار الحسيني]

احسنتم
السلام على ام الأربعة روحي لها الفداء

[hamza al-yassiri]

احسنتم
السلام على ام الأربعة روحي لها الفداء

أحسنت سيد كرار