أمك لازم اشكرهه
( بحق أُم البنين )
للشاعر المبدع حيدر الخفاجي
والمله سجاد الانباري
في اليلة الرابعة من المحرم 1439 هجـ
المقطع الصوتي mp3 من درر العراق
أمك لازم اشكرهه / عليك وعينه تگرهه/واگله اشحطت بدرهه / يعباس يعباس
خوية شعندك مروه / لبن لو رضعتك خوه / يمن مدري اشكثر تسوه / يعباس يعباس
١
زينب تسولف لخوهه تگله اسمع يا الاخو
شرد اسولفلك عله امك شنهي بيه المو حلو
دوم اگللهه انتي امي فشله اگولن مرة ابو
وسر عجيب من الله عدهه الحاطه ويه الدر شكو
سبحانه الذي تعله/وسر بهالبن خله/وخصه بمرضعك اله/ يعباس يعباس
كفو يالدرتك حلوه/لبن لو رضعتك خوه/يمن مدري شكثر تسوه/ يعباس يعباس
٢
امي ماتت واني طفله وصعب عالطفله اليتم
والابنيه تظل ذليله بلايه ام وتنحرم
واشكر امك من اجتنه معدله وصارتلي ام
غيرت بالبيت اسمهه خاف زينب تنهضم
حره ومن بطن حره/اجت خدامه مو ضره/تموت عله امي الزهره/ يعباس يعباس
سبع والجابتك لبوه/لبن لو رضعتك خوه/يمن مدري شكثر تسوه/ يعباس يعباس
٣
ما احس امك غريبه چنهه علويه ام بخت
والطيور اتچل عليهه لو دعت ربهه ونخت
فرع الشيب بشعرهه وهيه ابد مافرعت
والله تكسر خاطر الله لو بچت يمي ونعت
من شافت ضعنه ابعد/ولن بالدار ماكو احد/احس دلاله اتمرد / يعباس يعباس
ضلعه انحنه وتتلوه/لبن لو رضعتك خوه/يمن مدري شكثر تسوه/ يعباس يعباس
٤
خويه عباس الكتايب عله حسين مجمعه
وباچر الخيل بعددهه اطوف جسمه ومصرعه
وامك الگالتله ردلي فدوة يبني الاربعه
من اروحن شرد اگلهه عفته جثه مگطعه
گلي اشلون من ارجع/اگله الصار بيكم لع/اخاف تموت من تسمع / يعباس يعباس
يساگي الماي ماتروه/لبن لو رضعتك خوه/يمن مدري شكثر تسوه/ يعباس يعباس
٥
يختي اكشفلچ حقيقه خاف يخفيه الزمن
گالت اني وكل بنيني خدم عد بيت ام حسن
يبني اذا ماتوفي اخوتك يحرم عليك اللبن
اني ربيتك لزينب حارس وتحمي الضعن
تخاف من العتب هيه/تگلچ حگچ عليه/ادري الاربعه اشويه/ يعباس يعباس
وزينب جاوبت تگوه/لبن لو رضعتك خوه/يمن مدري شكثر تسوه/ يعباس يعباس
٦
عندي يازينب وصيه خاصه بأم البنين
من تردين بسلامه وكل ولدهه مچتلين
امي تعبانه ومريضه وبعد متشوف الحسين
شلون تحمل هالمصيبه ومنهو اليباريهه زين
يزينب بعدي باروهه/وحيده لاتخلوهه/واذا صاحت تسمعوهه / يعباس يعباس
ماعدهه بعد سلوه/ لبن لو رضعتك خوه/يمن مدري شكثر تسوه/ يعباس يعباس
الشاعر حيدر الخفاجي
مشخاب
رد مع اقتباس
...
المشاركة الأصلية كتبت بواسطة ♡ Zahraa Al obaidi ♡
