السلام عليكم
انا مخطوبه عن حب بالجامعه
صار ٧ اشهر مخطوبين بالبدايه ماكنت احبه بس بعدين بعد الخطوبه حبيته الحمدلله
مشكلتي انو اهل خطيبي رادو يعني الزواج البعد التخرج لان هسه ضروفهم متسمحلهم
بس بابا ماقبل بهالشي لان ماعدنه بنيه تنخطب وتبقه فتره طويله وبالاخص انو هو طالب ويايه يخاف يكون تقضية وقت ويمل بعدين
اتفق بابا وياهم لغاية شهر الواحد القادم ان شاء الله وافقو
طبعآ وكالو للواحد نتزوج ان شاء الله
طبعآ اعدادي انطوني جزء منه وكالو قريب ع موعد الزواج بشهرين او ٣ ننطي الباقي وافقنا لان ماردت اخسر شخص يحبني
المهم هو منتضر مقدم ع سلفة قرض من قبل لنعقد ع اساس من تطلع يكمل بيها تحضيرات الزواج ونتزوج ولليوم ماكو
طبعآ بابا كال اذا للواحد ماكو زواج نفصخ
واليوم سئلته كوتله حبيبي اذا ماكو قرض شلون لان القروض صاير عليها اشكال مثل مسمعت وميصير تربط مصيرنه بهالشي واحنه صار ٧ اشهر مخطوبين وماضل شي للواحد لااني منطيني اعدادي احضر نفسي ولاانت مكمل بناء وتحضيرات الزواج شلون يعني؟؟
الصدمه يجاوبني بكل برود نفصخ هذا التردونه انتم واحنه نريده ...
اريد اعرف هسه شنو اسوي والله هلكت من التفكير
واذا صدك فصخنه اول المتشمتين اهلي لان نصحوني كالولي ميفيدج وحالتهم مو زينه واذا هسه ماكدر يدبر زواجكم ومصرفج شلون بعدين بالمستقبل وعائله ومسؤؤليه بس اني وافقت ...
اهلي يدورون الزله عليه من عقدنا لليوم لان غصبن عليهم وافقت هم ماراضين والمشكله اني كولتلهم هو ميعوفني لو شنو يصير لان ادري بيه يحبني وتعب عليه الا اهلي وافقو وهسه بكل برود يكولي اني ماعندي لو القرض لو نفصخ لان اهلج ميقبلون نأجل الزواج ..وبصراحه اني هم مااريد يتأجل الزواج لان لشهر الواحد يقبطلنا ١٠ اشهر وضليت اكره الطلعه بس اطلع يسئلوني هاا ماتزوجتي صارلكم شكد ..؟؟ ماانطوج اعدادج وغيرها اسئله كومه
بالأضافه الا ان كل ماتزيد فترة الخطوبه تزيد مشاكلها وياها واني جاي الاحظ صار شهرين ع هالحاله العلاقه متوتره وملل ودائمآ ممتفاهمين ونتعارك
اريدكم تساعدوني شنو احجي وياه الحل شنو
اسفه ع الأطاله
رد مع اقتباس
انتي جاوبتي
