يـا لـيـل العاشر خلينه
هـالـلـيله إنودع والينه
إتـريـض يـا ليل العاشر
ويـانه إعله المدمع ساهر
ظـل و لا تستعجل باجر
تـدري اشيضمر باجر لينه
خـلينه اويه حسين الليله
خـل يـتوادع ويه العيله
يشكي المظلوم و نشكي له
عدنه أحزان و هم تدرينه
يـا لـيل الما نرغب فجره
يـا ريته الغاب و ما يطره
إتـصبح ولياني إعله الغبره
و إحـنه الما يرحم يولينه
يـا فـجر المذبح لا تطلع
خـل إنودع حسين بمدمع
مـلهوف اشمالك عالمصرع
بـاجـر بس تطلع تسبينه
يـحـسين إتريض يبن أمي
بـس هاي الليله إتظل يمي
إقعد خل أشكي لك همي
خـويـه و نتذكر ماضينه
تـذكر من نقعد يم جدنه
و إنظل نشكي له اشما عدنه
مـن ذاك الوكت إتعاهدنه
نـتـشارك باليجره اعلينه
يـا بو اليمه و هم تتذكر
مـن جـنه انهود يم حيدر
يـنظرنه ابلهفه و يتحسر
يـحـضنه و تتهامل عينه
يـا لـيـل العاشر خلينه
هـالـلـيله إنودع والينه
رد مع اقتباس
