"طريقة حساب جرعة المضادات الحيوية للأطفال"
خل انطيكم مثال على المضاد الحيوي "Cefix"
هالشراب يستعمل بحالات :
-التهاب الإذن
-التهاب الجيوب الأنفية
-التهاب البلعوم واللوزتين
-التهاب الشعب الهوائية
-التهابات الجهاز البولي (مثل التهاب المثانة والتهابات الكلى)
الجرعة مالته اذا تقرون عنه بالنت او بالنشرة هي
8mg/Kg
اجاك طفل للصيدلية ومكتوب بالوصفة Cefix susp.
تسأله عن وزنه
- شكد وزن الطفل؟
- وزنه ١٥ كيلو
اذا تضرب 8 * 15
( الـ 8 هو عدد الـ mg لكل كيلو) فتضرب هالعامل بوزن الطفل
يطلعلك الناتج 120mg
زين كم مل يعني تنطي؟
الشراب هو 100mg/5ml
اذا تسوي نسبة وتناسب
100/5 = 120/X
X = 120*5/100
X = 6ml
خل نسويلكم عامل اسهل بالاستنتاج بعملية حسابية (ما موجود بالليفلت مال الشراب)
مباشرة من تريد تحسب جرعة Cefix
اضرب الوزن بـ 0.4
خل نجرب !
الوزن ١٥ كيلو
الجرعة = 15 * 0.4 = 6ml صح
اذا نفس الناتج !
احفظوها لجرعة السفكس شراب لان هواي ينصرف
وراح اسويلكم مختصرات أيضاً لبقية الشرابات بمرور الوقت
(( الجرعة بعدد ال مل = الوزن * 0.4 )))
جربوها بغير أوزان وشفولنا يطلعلكم نفس الناتج ؟
رد مع اقتباس
المشاركة الأصلية كتبت بواسطة Salam Salman
