بدر وجه الكمر ما يبقة ثابت دوم
لازم يختفي و من السماء ينزاح
و لا وحشة الليل أدوم لو شيصير
بطك سيف الفجر و يطلع المصباح
لذالك أني أعذرك لان جنت وفاي
و هسه تغيرت مو عطرك الي فاح
كمل وجه البدر و الليل رد بساع
بس طبعك بقة و ما رجع طبع الراح
عندي قاعدة الينساني اني انساه
و ما ارجع لون بصوت أرجع صاح
بس يمك شذوذ القاعدة و لليوم
ظل حسنك بعيني و ابد لا ما طاح
يالمالك جروحي شلونهه بلياي
اذا مرتاح كلبك ابقة ظل مرتاح
صح تطعن بكلبي ابلا قصد و يجوز
قصدك هذا كلبك مني مل ابساع
نصحوني نعم عاميني جان الشوك
مو كلمن توده ابشوك الك ينصاع
و لا كلمن نطيته الكلب تامن بي
ترة سهلة الكلب من ينشرة و ينباع
انه ردتك ترة من شحو الرادوك
يا تعب العمر الراح كله و ضاع
من تبجي ابجي وياك موش دموع
كلي يا كلب للحين ظل ما ماع
انه مايك جنت لو شح ندة البشفاك
و أمدلك كلبي دم لو طفل كلبك جاع
هسه انت رحت كلي الشماته شلون
"هذولة اتخاربو" مو سهلة من ينذاع
و لك ما تلكه ليش اتدور اليهواك
دور بالسمه لو خلصتهه الكاع
تــ ـح ـيــ ـاـتـ ـي
رد مع اقتباس
المشاركة الأصلية كتبت بواسطة السائح 2
