هو علماي انكتل گالوهة هيچ !!
تحچي كل عقلك صدگ معقولة هاي
هو المربي علي وأم البنين
ايعوف كلشي لخاطر اشچم گطرة ماي !!
اكو نتفة من السمة تبوسلهة گاع
تگلهة صعدي لفوگ خل تنزل سماي
انته شايفلك گمر علجربة مات !
وگالهة انتي الغالية ويرخص ضواي
من اسولف عن قضية كربلاء
مواسولفة اعلة كيفي ومشتهاي
كون اعرف اشصار بيهة اشبيهة دار
شلون سوت راي للماعندة راي
شنو قيمة مي نهر جرفينة طين
جفوف ابوفاضل جروف الدنية هاي
الدنية كالتلة دخيلك من يزيد
وكالهة انتي وزينب وضعني بحماي
راح اسولف سالفة لطول الزمان
ويعطش التاريخ واسگي من ضماي
جبل فوگ المشرعة يطيح منطيح
وراية الله تگوم من يوگع لواي
انا شايل جربة بس مو جربة ماي
حاط بيهة شوية من منبع وفاي
السهم ماشگهة وتبدت مستحيل
انا طشرت الوفة بقمة رضاي
الخوة مالت وادري تچايتهة عين
وچملتهة انطيتهة چفوفي ودماي
انا رايح بس بعد هذا الفرات
باچر مدنگ يجي ويركض وراي
.................
كلمات الشاعر احمد الذهبي
تدوين زهراء العبيدي
8 محرم 1439 ه
رد مع اقتباس
المشاركة الأصلية كتبت بواسطة علي *الاسدي *
