عبـــاس مــرات العطــــش عالنيــه ، شعر شعبي عراقي حسيني
عبـــاس مــرات العطــــش عالنيــه
وهسه انه كـل رجفت عطش مابيه
مادام انت ابخير مــــو غالي الماي
ماجاي احس العطش بي روحيـــه
حــل مشكلة فـــرگاك بــعدين الماي
شغـــلة المـــاي وداعتــــك مگضيه
بس المصيبه افراگ وجهك عبـاس
شيخلصـه وانـــه اشتاگلك يوميـه
عبـــاس مــاحشم ابغيرك موعيب
اليكفلني غيرك بيهـه احـس منــيه
عاتبتك اي مــوش ابزعــل لاوالله
بــس انــه مـــن عـــاتبتك ابحنيه
عباس وانــه اشما صحتلك عباس
اتسير ابطيفـــك عــالخــيم ليليه
عباس وسمك عافيـه وغيمه وماي
يبلل ابـروحي اشما جبــت طاريه
مـــرات انـــه اشتاگلك وانت وياي
ومــرات امشـي ويــاك نسمه وريه
مــوياهو يكفل اختــه سمو عباس
من غيـرتك محــد ابروحه اشويه
محد يشبهك فقط بس انت وياك
ومــرات تتـشابهه ويــــه الگمريه
مجربتك من اشتاگلك مو عالماي
عباس لا بـــس انت تدري اشبيه
لاهيه مو شغلة كفاله انه وياك
عباس لا بس عندك انسانيه
لليوم محــد گـــام منــك عطشان
عبـاس بالماي انـت ابــو اعزوبيه
منقول
رد مع اقتباس
