هنا

[ღ عِشق ღ]

.......


عباس يادرة علي المكنونة


عباس الك راية مجد منصوره
رحمة وعلى روس الخلگ منشوره
آثار الك بالكون مو منكوره
ولسان ناكر فضلك ايگصونه

......

ابنورك گلب راعي اليقين اتنور
وبسمك علينه كل عسر يتيسر
ابعين البصيرة البيك مايتبصر
ساعة ونزل ماي العمى بعيونه

...

واللي يطيح ابشدة من يتعنه
مكسور خاطر ماتخيب ظنه
من قبل مايطلب اشما يتمنه
تنطيه وانت العارف ابمضمونه

.....

والبيك ياباب النجاة اتمسك
للجنة باچر ينفتحله مسلك
واللي يغره الجهل ينكر فضلك
بنار باچر عالوجه يچفونه

.....

يوم اليوگفون الخلگ بالوزره
غضوا النظر يصدر الباري أمره
طبت المحشر بت حبيبي الزهره
والبصر عنهه الوادم ايغضونه

.....

وتدخل الزهرة والمله مهبطه الراس
اول شفاعه البيهه تشفع للنا
ترفع بيديهه چفوف ابنهه العباس
هذا اليمين شذنبه ويگطعونه

.....

تنشر الثوب الناجع بدم حسين
يارب تنادي وتهمل دمع العين
گصدي النجاة الشيعتي بهذا الحين
صك الشفاعة الكل محب تنطونه

.............................




اداء : ملا جليل الكربلائي
و ملا باسم الكربلائي



............................


"تدوين زهراء العبيدي"


محرم 1439 ه‍

[مؤمل الصدري]

ابيات في غاية الروعة
شكراً زهراء

[Scrap]

السلام عليك يا أبا الفضل
شكرا لكِ

[علي الشمري]

قصيده (ميمر) رائعه جدا
واعتقد ان مكانها هو قسم الشعر الشعبي

شكرا لكم

[كرار الحسيني]

أحسنتم أختي زهراء

[جمال الرحال]

كلمات رائعة تلامس القلوب
احسنتي زهراء وعظم الله لك الاجر

[أحمد الناصري]

احسنتي بارك الله بيج اختي موفقين ان شاء الله

[ღ عِشق ღ]

ابيات في غاية الروعة
شكراً زهراء

نورت مؤمل عفواً

[ღ عِشق ღ]

السلام عليك يا أبا الفضل
شكرا لكِ

عليه السلام

عفواً رجل كهل

[ღ عِشق ღ]

قصيده (ميمر) رائعه جدا
واعتقد ان مكانها هو قسم الشعر الشعبي

شكرا لكم

يمنع نشر قصائد مكتوبة ( مقروءة لطمية) في قسم الشعر الشعبي مكانها هنا حسب القوانين

...
عفواً علي انرت