ياعباس فكدك هضمنة
ياعباس فكدك هضمنة ... ياعباس حركو خيمنة
-----------------------------------------
اجيتك والدمع يهمي يتخطى على الجمر جدمي
وصلت للشاطي لن يـمي اشوفنك جسد مرمي
صريع مخضب ومرمي صحت من لوعتي وهمي
ياعباس محد رحمنة ... ياعباس حركو خيمنة ... ياعباس فكدك هضمنة
لفيت وروحي شجاية جبت احزاني وياية
اصد للعلكم وماية صحت من ضيم دنياية
ياخوية بطيحت الراية لفتة الخيل عناية
ياعباس محد رحمنة ... ياعباس حركو خيمنة ... ياعباس فكدك هضمنة
جنت بحماك مهيوبة صرت مهضومة مرعوبة
اصد للجثث مسلوبة ضحاية بدمهة مخضوبة
وخيمنة اصبحت منهوبة بلهيب النار منشوبة
ياعباس ذبحوا زلمنة ... ياعباس حركو خيمنة ... ياعباس فكدك هضمنة
اصيح بحسرة وبلهفة يابو فاضل الف وسفة
يمينك ينكطع جفة ووريدك ما وقف نزفة
ياخوية وحالتك كلفة كلف مصرعك شنوفة
ياعباس بطيحت علمنة ... ياعباس حركو خيمنة ... ياعباس فكدك هضمنة
صعب فركاك ياالوالي عفتني بحيرت عيالي
ياخوية شيجمع اطفالي انوحن والدمع هالي
علية الضيم متوالي ومرار الدهر يبرالي
ياعباس خصمك ظلمنة ... ياعباس حركو خيمنة ... ياعباس فكدك هضمنة
ياخوية من شفت جسمك صريع مخضب بدمك
صحت ريت انذبح يـمك يلن ما ينحمل همك
وذر عالكاع شيلمك على جروحي انطبع رسمك
ياعباس هايج المنة ... ياعباس حركو خيمنة ... ياعباس فكدك هضمنة
اداء : باسم الكربلائي
الشاعر : جابر الكاظمي
رد مع اقتباس
المشاركة الأصلية كتبت بواسطة ملكة بإحساسي
