هنا

[فقار الكرخي]

ما اكتب شعر عالماي
انه استحي من العباس ابالي الموقف اتذكرة
اخافن لو گلت عطشان
واكسر خاطر الزهرة





وادور عنك بروحي
ولگيتك بية متربع
شسولف وانه اشوفنك
غصن من الله متفرع





و الومن حضي المعثر
لان بالطف جنت غايب
تمنيت انه اصيرن ماي
واروي گليبك الذايب





واحط ابني بمهد عبدالله بلكي يحوس
اذا فزت رقيه تنام لو شافت مهد متروس
وازحف واعتني لحسين
اگله ادخيلك اقبلني
مادام الجسد بي حيل
احضن صدرك بصدري
بلكي ادوس فوگي الخيل
يم غار الخيام هناك.
اصيرن عنكبوت واحرس خيامك
ماخلي العده يطبون
ولا تتطشر ايتامك

اروحن فدوه لترابك...
كل هذا العذاب يهون
اريدن عيني ماي تصير
واسگيك بدمع العيون
واســكّت اطفالك اليبجون
ومثل عابس
اريد بحبك اتخبل
واحصل رتبة المجنون





وافرّع صدري للطعنات
تغفة سهامك بجسمي
وشهيد انحسب عن الله
وترفع راس بيه امي




كتبنالك گبل كومة مكاتيب
بايعناك گلنه ورحنه بعناك
ورجعنه نعض اصابعنه حرامات
وهضيمه لوحّدك يحسين عفناك
هسه لا بعد درسك عرفناه
گبل ما نفتهم هسه افتهمناك
چنه نشوف بس نگول منشوف
هسه لو عمينه نگول شفناك





‏آه يا شوكي لـ محرم من يهل
ألبس الاسود و أطب لـ قرايه
الطم آعله حسين وبـ حركة اصيح
يا حسين اطلبني للمشايه..




كروه أداينت خاف الزياره تفوت
وعفت اهلي وجهالي العوز عاصرها
لأن سامع سمع خيل المشت لحسين
ربك يستحي يحاسب حوافرها





و الكافل يازينب كفه
وبــ الطف تشهد كل الناس
صح گطعوا من عنده جفوفه
ومارحموا بيه الارجاس
والعامود انطگ براسه
وجسمه بحافرهم ينداس
ماعافج ترحين لوحدج
ذب جسمه لخدرج يازينب
خيال ويكدر عالصعبه
يحمي ضعونج بس بالراس



يا حسين ، الموت دور عن حياة وعاش بيك ..

يا حسين ، الماي مايرهم عليك !

يا حسين ، استغفرك كلما حجوك اهل المنابر
يا حسين ، الطف قراك وصار شاعر
يا حسين ، شمالهة وياك المناير !






طفه صيت النهر .. من ماشرب ماي
وصعد عباس صيته .. وحطله جنحـان
ركب ظهر العطش .. واتبلل الصيف
ومطر حب الحســين بگلبـه طوفــان
مشـه وتارس جربته شگــد مواعيد ..
ويمر چـان الوكت دمعات رضعــان




اليزور حسين كون يشيل ماي
ومايشيل سيوف شايل بس ورد
وكون كل خطوه اليمر بيهه دعاء
مو فقط يكضي زيارته ومنه يرد



بس ارد افتهم شمسوي لله
اكو براسي حجي عابر قياسه
انه بستك وحطيتك حرز بيت
الرمح باسك وحطك فوك راسه





تجميعي

[علوش R M E]

احسنت
شكرا ..

[صفاء العامري]

شكرا جزيلا

[سارهـ الطائي]

سلام الله ع الحسين وآهل بيتة ،.
احسنت اخي ..

[فقار الكرخي]

نورتو الموضوع

[كرار الحسيني]

احسنتم

[لا تلوموني بحبهم الملكي]

احسنت الله يبارك بيك نتمنى منك الكثير

[فقار الكرخي]

منورين