احن لشوفتك وابقى ابجي طول الليل
وتعبني السهر وغفة على رسومك
احلم بيك وكعد يمي ماالكاك
والله هموم روحي تلولي لهمومك
جنت مثل الكمر وعيوني الك نجمات
ياوسفة نعمت من بعدك انجومك
لا عشت بهنى ولا شفت راحة بال
ولامرني الفرح يفلان من يومك
اصرخ وينك انت وشنهو المنسيك
وشنهو الخلة كلبك ينسة محبوبك
اذا زعلان مني بعمري اني ارضيك
وكلشي تريد اخذ وشحدة ليلومك
تعال وراضي لو تسكيني كاس اسموم
احس شارب عسل من اشرب اسمومك
علو___شR M E
خلص حيل الصبر وك رايد ارتاح
وهدم كلبي التعب من حبك انت
كضيناهه سوالف بين العيون
وشفايفنه بخجل كضتهه سكته
قبل حالف جنت ماعيد الاشواك
ومن شفتك ولك كل شوكي عدته
كلت اعجاب يمكن باجر يزول
وميدك باب كلبي ولا عتبته
وطبعا انت مادكيته للباب
كلبي وبابه بعيونك شلعته
سوولك سحر رادو يصيدوك
وسحرهم من وصل يمك سحرته
اني بلا سحر بس شعري وياي
ولو ما انته صدك ماكتبته
علو___ش R M E
خل اسمعك لاتضم صوتك حرام
وخل احسك يمي بعدك مارحت
كول احبك حتى اكدر هسه انام
تدري صار سنين ساهر ما نمت
تدري بيه جروح صارت من هواك
وارد اخبرك بيهن اني اتألمت
صرت اعيش دنيا من حيره وهيام
روحي راحت واني بيه تحيرت
انت روحي ولو رحت شنو الحياه
تبقى اريدك يمي دوم بكل وقت
ردت اوصفك بس شفت وصفك عذاب
صعبه اوصفك اني اسف مكدرت
علو___ش R M E
من يوم العرفتك وانا دايخ بيك
وحبك لا تضن يوم ونكرته
ضميتك ولك وقفلت گلبي عليك
ولغيرك ابد لا ما فتحته
تحاجيني بثكل ورافع الحاجب ليش
وانا الليل لجلك ثق سهرته
تزعلني بكلامك انا ارجع واحاجيك
كلشي يهون بس لا تگرب الفركه
اجيتك من بعيد اركض وعطشان
اعرفنك نهر بس مايك ما شربته
ضميته وكلت ما عندي كطرة ماي
كتلك عادي شوفتك
بللت ريجي وما نشفته
شسويلك بعد اكثر من الصار
وانا الموت من جفيت
مو تدري حضنته
علو__ش R M E
محتاجك تعال الخاطر الله اشلون
اموت لخاطرك بس ذمتي ابريها
أريد اسمع أحبك مال عشر سنين
مو هاي الاحبك هسه تحجيها
تعال وجيب ضلك خلي احجي وياه
واسولفه عليك وروحي اجويها
تعال وجيب صوتك أرد اسمعه بشوك
حته اطرب اغصب والدمعه ابديها
تعال وشوف حالي حال ام بجفاك
نشف دمها وبقيت بونه اسليها
وصرت تابوت وغيابك محطه موت
وبيه جنازه بس شوفتك تحيها
علو__ش R M E
عفـيه #دنيا الماشفت بيهه حنان .....
وعفيه #دهري اليطحن بكَلبي طحن
وعفيه #وكتي هواي شوفني الهموم
وردت #اضوك الفرح ظوكَني الحزن ......
ادري #ياربي امتحانكـ صعب حيل
ردت #فرحه ارتاح ونوب امتحن..........
وجذب #كلمن كَــال غابه الدنيا هاي
ﻻ وحق #الله ترة الدنــيا سجــن....
علو__ش R M E
رَبّــيٌ.. #هانو
رَبّــيٌ… #خانو
رَبّــي… ٌ بحساسي #استهانو
رَبّــيٌ… #ظلمو
رَبّــيٌ… #جرحو
رَبّــي…ٌ بخاطري #كسرو
رَبّــيٌ… #هدهم
رَبّــي… ٌ #ذلهم
رَبّــيٌ… #لا_لا___احبهم
علو__ش R M E
اتمنى أصحاب وفي وبنيه تعشك صدك
صاحب يخيط الجرح يفهمني عنده خلك
ويخاف كلش علي كلبه عله كلبي يدك
وابنيه كطرت ندى دليني درب العشك
تحلف وياي بوعد توعدني مانفترك
تدخل بريتي عطر مثل النفس تنشهك
تنسيني درب السهر تخلي الجفن ينطبك
وين الكه ذني بوكت بيه الورد مختنك
والماي اعمه درب مايفزع المحترك
كلهن المتن علي عاشور يوم الطبك
والحركه خلت أثر دكت وشم بل حلك
جرح الإحساس انفتك شي خيطه من ينفتك
_ _ _ _ _ _ _ _ _ _ _ _ _ _ _
ماتلكه صاحب وفي وابنيه حب من صدك
وياهو اليخيط الجرح وياهو العنده خلك
ياصاحب اتءمنه خنجر بضهرك يدك
ماضل وفي بهل وكت تيهنه درب العشك
شتحجيلي عن العطر هوه العطر مختنك
تقرب من الجمر تشتم نفس محترك
تعرف حلاته النخل يتباهه بس بل عثك
وتريد تنسى السهر عن الكمر تفترك
اكطع أمل بل وكت ماتلكه حب من صدك
علو__ش R M E
هواي احبك
هواي احبك يا شمعتي يا صباح الله وفرحتي
ويا نظر عيني وكحلها ويا تراجيي وكَذلتي
من تغازلني اعلة نجم الحب اطير واترس الدنيا بضحكتي
والصبح لوما ضحكتك تكسر الخاطر غرفتي
وعودتني بصوت دافي وين يا عمري بدلتي
بيدي اشيكك واترك انفاسي بقميصك واخذ من الشبكة حصتي
وابقة اتاني واحسب الخطوة الرجعتك
ها وصل ها روحي فرحت يعني اجيت
والكاه باحساسي عروس ودخلتك علبيت زفتي
ولمسة جفوفك تخلي احساسي طير والكة ذرعانك شجرتي
وانسة كلشي واحجي كلشي
والكة شفتينك حنان الله علة شفتي
اويلي اذا زعلان شفتك باردة تبين جهنم من اقارنه بحسرتي
تدري هواي احبك
هواي احبك
موت احبك
كومة احبك
كله خل تسمع صرختي اني مجنونة غرامك
ويامة فضحتني رحلتي اكتب اسمك وانسة درسي
وكلشي ما احل بورقتي وباقية لحد هذا عمري
وسولفت للناس قصتي وكشفت جرح الحقيقة
ونزلت اعلى الخد دمعتي انتة وينك
وك انتة وينك جاي اخابر فدوة جاوب
فدووووة جاااااااااوب
الوووووووووو
الشخص الذي طلبته خارج نطاق الحياة
يعني مات ماااات اي مات
وكلشي مات ابداخلي بهاي الحياة
وخلصت الرحلة الاليمة
ولفي بحضان أّلَغٌريِّبِهِ
واني وية الذكريات
علو__ش R M E
متابعه
رد مع اقتباس