هنا

[كرار الحسيني]

لسه بارود التفگ ترس الخشوم
ولسه دويات المدافع بالأذن
ولسه أهل الموتى متزينه أبسواد
ولسه بيبان السلف تگطر حزن
ولسه من تنعى العجايز دللول
شفت الحديثات عالطاري بچن
ولأن جويات المشو عنها بعيد
تارسه الدلال ومزينه البدن
ولسه من نفتح كناتير الزواج
وي قاط العرس مضموم الچفن
ولسه أولاد الگضو لأجل العراق
بالصرايف گاعده ماكو سكن
ولسه عدهم تسمية ولد الشهيد
وأظن هل عنوان مدفوع الثمن
ولسه بيريتي ونطاقي إعله الرفوف
روح ونشدهن وهنه إيسولفن

[ღ عِشق ღ]

رغم ماذكرت الابيات عن واقعهم المؤلم
فهم مانرتكز عليه
تحية لابطالنا في سوح الوغى
..
شكراً اخي كرار لهذه الكلمات

[كرار الحسيني]

رغم ماذكرت الابيات عن واقعهم المؤلم
فهم مانرتكز عليه
تحية لابطالنا في سوح الوغى
..
شكراً اخي كرار لهذه الكلمات

العفو أختي الشكر لله انرتي