هنا

[هــاجــر]

دكتوره فيري ماقصرت

كلامها درر.. ماازيد شي ع كلامها

[نـايـا]

السلام عليكم ...
قريت الردود ...ناس تگول عوفيه ..ناس تگول تزوجيه ...
هو شنو قابل الحل و الربط بيدها ؟!
هو شبين منه غير كلام السر و سوالف فيس !!!
يگول احبچ لأنه انت غير شكل عن البنات ...بس هو غيرچ و سواچ مثلهم من سمح لنفسه يخترق حدودج و يسويلج صفحة سرية ع الفيسبوك ...انت صرت مثل بقية البنات اللي ما عاجباته ..او يگول انه همة ما عاجباته ..
اللي اريد اگوله ..الولد اللي يروح على گرايبه من الشباك مو من الباب ..شخلى لعد للغرب ؟
مع الاسف هذا نموذج يتمسكن لحد ما يتمكن و ما استبعد انه يكون دا يبيع بطولات گدام جماعته بعدد البنات اللي هو اول واحد بحياتهم ...
اني هيچ اشوفه من كلامچ ..
و الظاهر اختچ و بنات عمچ اللي شايفين تفاصيل اكثر هم مفتهمين السالفة ..و دينصحوچ ..
بنتي او اختي الصغيرة ...افلتي بسمعتچ و سدي باب الشيطان هذا ..لأن بعدين رح تشوفين غير وجه منه ...و اذا هو رجال خل يتقدم و يثبت حسن النية ..و ما بيها شي اذا تنتظرون بس بعلم الاهل ..بالنور ..مو بالظلمة ...
ديري بالچ على نفسچ ...
ديري بالچ على سمعة اهلچ .
و الحب اللي ينكس الراس ..دوسيه برجلچ .

و الله يوفقچ .

دائما تتكلمين بمنطق و اقعية وتعجبيني كلش
كلام الدكتورة عين العقل

[خاطفة الانظار]

شووفي عيني الحب شي حلؤؤؤؤ بس هسه قله قليله اكوو صادقين بمشاعرهم مدام تكوولين يحبج وانتي تحبي لاتبتعدي عنه بس الغي تواصلج وياه بالفيس بعد لاتحجي واذا كال ليش ابتعدتي كوولي عندي دراسه وهااي خووش حجه وهسه انفتح المدارس لذلك مراح يشك بشي
كوولي اله انوو اذا من صدك تحبني تعال اخطبني يعني مستقبلا .. بعدين شغله الحجي ويه البنات هوو معترف انوو حاجي ويه بنات ويكوول انوو مدايحجي هسه بلكت من صدك تارك طباعه القديمه بعدين الحجي بالتعليق موو مشكله شكوو بيه انتي لاتنزعجي .. بعدين هسه اكيد فكرج مشتت كل انسان يصير بيه هجي لمن يشووف كل شخص يكول فد شي بس القرار الاول والاخير الج

تحياتي

[ســـــجـــــودي ﹩ʝ☹]

ماعرف شجاوب بس مع الاسف عل هيج بشر

[Ημdα]

ازوجيه

[Eezus]

مخادع

[حيدر الطويل]

انتي من البداية كلتي علية عندة اهواية بنات على الفيس والانستغرام يعني ميفيدج

[♪ Chandler Bing ♪]

السلام عليكم ...
قريت الردود ...ناس تگول عوفيه ..ناس تگول تزوجيه ...
هو شنو قابل الحل و الربط بيدها ؟!
هو شبين منه غير كلام السر و سوالف فيس !!!
يگول احبچ لأنه انت غير شكل عن البنات ...بس هو غيرچ و سواچ مثلهم من سمح لنفسه يخترق حدودج و يسويلج صفحة سرية ع الفيسبوك ...انت صرت مثل بقية البنات اللي ما عاجباته ..او يگول انه همة ما عاجباته ..
اللي اريد اگوله ..الولد اللي يروح على گرايبه من الشباك مو من الباب ..شخلى لعد للغرب ؟
مع الاسف هذا نموذج يتمسكن لحد ما يتمكن و ما استبعد انه يكون دا يبيع بطولات گدام جماعته بعدد البنات اللي هو اول واحد بحياتهم ...
اني هيچ اشوفه من كلامچ ..
و الظاهر اختچ و بنات عمچ اللي شايفين تفاصيل اكثر هم مفتهمين السالفة ..و دينصحوچ ..
بنتي او اختي الصغيرة ...افلتي بسمعتچ و سدي باب الشيطان هذا ..لأن بعدين رح تشوفين غير وجه منه ...و اذا هو رجال خل يتقدم و يثبت حسن النية ..و ما بيها شي اذا تنتظرون بس بعلم الاهل ..بالنور ..مو بالظلمة ...
ديري بالچ على نفسچ ...
ديري بالچ على سمعة اهلچ .
و الحب اللي ينكس الراس ..دوسيه برجلچ .

و الله يوفقچ .

الرأي الأعقل

[كرار الحسيني]

عندچ نقطتين مهمات

1_إما أتركينة بلا عودة وتحطين بالچ بدراستچ .

2_ إما تگليلة أذا يحبچ صدگ خلي يجي من الباب ويطلب أيدچ من الأهل .

وأذا تهرب لاخير به وأرجوا ان لاتبادليه أي شيء قد يكون سبباً لفضحچ وأذيتچ كالصور والفيديو وامور أخرى .

ونسأل من الله الموفقية والستر للجميع

[Ph. Zahraa]

ضربي بوري و عوفي من النهاية ترا هذا ميحبج و العباس و اذا طلع يحبج نشالله الله يشور بية و ميخليني اطلع معدل بالسادس ،، اخذيها مني