ملتمه الصفوف اليوم!-حسين الساعدي
زنجيل _المستهل
ملتمه الصفوف اليوم والهجمه اعله منواها
سبعين الف ويزيدون وانته افتهم معناها!!
واخيول التجر اخيول
يابن فاطمه شتكول؟
تتكتر عليها ابعيد؟ لو تتلاكه وياها؟
والهجمه اعله منواها
:::::::::
خيرتك يبو السجاد
وانته ابذني تتخير
لوما تشتمر ليغاد
كون اتضحي بالاكبر!
ويودونه لبن ازياد
راسك عالرمح يفتر
وصلن
منك احجايات
هيهات والف هيهات
ماطخ راسي للظلام_ واتعنه اعله ملكاها
والهجمه اعله منواها
:::::::
جاوبتك يهل تنشد
وأقسم وبضلع امي
ماساوم ولا أبعد
والجنه الاجت يمي
راح ابكربله اتوسد
واروي كربله ابدمي
أقسم
بالبطل عباس
مابينه اليطخ الراس
عطشانه الطفوف اليوم_وانه الدمي رواها
والهجمه اعله منواها
:::::::
يادين الله ما تنجاس
وانته ابعزه ويانه
لجلك قدمت عباس
طاحت رايتي اهنانه!
والقاسم فخر للناس
عرسه اشكثر أذانه!
وأصحابي
ومواقفهم
كل الزود من عدهم
واحدهم ركض للموت_وايد الضلم لاواها
والهجمه اعله منواها
::::::
لكن وابني عبد الله
ياشيعه الكسر ضلعي
وامه الحايره بامره
وانه الحاير ابدمعي
بيدي وانذبح نحره
والله اليعلم ابوضعي
يا اسلام
يا عربان!
تقبل ذبحت الرضعان؟
هذا الشمر ياشيعه_اجه الركبتي وحزاها
والهجمه اعله منواها
حسين االساعدي
رد مع اقتباس
