هنا

[ارجع يازمان]

لطميه الى مسلم
،،
المستهل
//////
زلزال الكوفه الليله
ياهو ايفسر تأويله

لو مسلم هو الصال
لو ضرباها الزلزال

ما ندري الكوفه الليله
ماندري الكوفه الليله
/////////////////////////

نسمع هلاهل طوعه
ماندري اشصار!

شنهي الخبر!
ضاعت علينه الاخبار

شفنه ابتوالي الجيش
صارو طشار

لمن سئلناهم
عرفنه الانذار

__كالوا مسلم طباها__
__والضربه الماثناها__

هذا الما يرضه العيله
زلزال الكوفه الليله

/////////////////////////////////

كاموا يزيدون العدد
والعده

ساعه ويبييد الجيش
ذاك ابوحده

حر وحرب
والعطش مزك جبده

مسلم وحيد
وكل سند ماعنده

___هاي القصه المعروفه__
___هالواحد رج الكوفه___

ياويله الضل ياويله
زلزال الكوفه الليله

//////////////////////////////

من شافوا ابصولة علي
ايواعدهم

وما يوكف اكباله وشرد
قائدهم

انطوه امان
وكل صدك ماعدهم

كالوله نتفاوض
ابراي العدهم

____مسلم وجروحه اهوايه___
___ مجبور ابهاي الغايه____

والدم سال وهد حيله
زلزال الكوفه الليله


///////////////////////////////////


غدروا ابمسلم
والدمع هد بالعين

سالت ادموعه
لا يغدرون احسين

كتبوله كلهم
عجل الهذا الدين

كلمن كتبله
انكلب ضدهم بعدين!

___صاح واشر بجفوفه___
___بالك تدخل للكوفه____

من ابعيد ويحجيله
زلزال الكوفه الليله
،،،
حسين االساعدي

[جمال الرحال]

سلام الله على مسلم.. احسنت اخي…

[ღ عِشق ღ]

سلاماً على سفير الحسين
مسلم إبن عقيل ..
..
احسنت الابيات .
.اُجرت

[كرار الحسيني]

احسنتم