كلمات السيد عبد الخالق المحنة
نسيتك ثواني..خيالك اجاني
اخذني لشاطي حبك
اريد اعطش واكتبك
خيالك..اجاني
ذكرتك من نسيت وبين اخيالك
اثاري انت العزيز الخالني ابالك
حاولت استقر
واسال عله احوالك
لكيت النهر قطرة بعين شلالك
جمالك قصيدة
مينحز وريدك
نهر اني عله دربك
اريد اعطش واكتبك
خيالك اجاني
نسيتك ثواني
خيالك اجاني
اخذني لشاطي حبك
اريد اعطش واكتبك
خيالك اجاني
اريد ارسم عيونك حتى احجيها
شرط دم وتراب وعطش مابيها
عله صدرك علامة واصافن عليها
اخاف اكتبها والعباس يمحيها
علامه اتركتها كأن ماشفتها
اثر رفسه عله قلبك
اريد اعطش واكتبك
خيالك اجاني
نسيتك ثواني
خيالك اجاني
اخذني لشاطي حبك
اريد اعطش واكتبك
خيالك اجاني
اجيتك والغزل بشواقي يتعثر
لقيت الشاطي احمر والنهر احمر
اشوفك تبتسم وانه ارتبك اكثر
لان صدري صحيح وصدرك مكسر
منعني حيائي اجيك ابردائي
يظل عاري اليسلبك
اريد اعطش واكتبك
يظل عاري اليسلبك
خيالك اجاني
نسيتك ثواني
خيالك اجاني
اخذني لشاطي حبك
اريد اعطش واكتبك
خيالك اجاني
مليت اتراب خدي من شفت خدك
نعم كلك عطش بس ماذبل وردك
خفت مرتين يغتال النهر جبدك
جبت ماي الشريعه اوخيمت عندك
احبك لانك
نبض قلبي منك
حلم شاعر واطلبك
اريد اعطش واكتبك
خيالك اجاني
نسيتك ثواني
خيالك اجاني
اخذني لشاطي حبك
اريد اعطش واكتبك
خيالك اجاني
تخطيت المسافه البينك وبيني
وصلت الباب جرحك وانطفت عيني
ضعت وتوسلت مولاي خليني
اشاهد خنصرك وانطيك جفيني
كتبت الروايه واريد النهايه اذن خليني قربك
اريد اعطش واكتبك
اذن خليني قربك
خيالك اجاني
نسيتك ثواني
خيالك اجاني
اخذني لشاطي حبك
اريد اعطش واكتبك
خيالك اجاني
اذا ماينذبح ابني عله صدري
صعب ترسم احساسك قافيه شعري
واذا ماينكسر عالمشرعه ظهري
اسولف عالاخوة واني ما ادري
متى ما خيامي
يسعرن امامي
احس شنهو اليعذبك
اريد اعطش واكتبك
خيالك اجاني
نسيتك ثواني
خيالك اجاني
اخذني لشاطي حبك
اريد اعطش واكتبك
خيالك اجاني
التميز عنواني
نسألكم الدعاء
التميز عنواني
رد مع اقتباس