هنا

[ارجع يازمان]

__المستهل__

انه راس اعله الرمح
لا تظن ناسيها
هاي زينب ياشمر
وفنك اتحاجيها

لو تلم كل الصفوف
وان بس عين واشوف
نظرتي ابحد السيوف
وراح اذبحك بيها
وفنك اتحاجيها

::::::::::

انه راح ابقه الكفيل _وراح اضل ابغيرتي
ياشمر وانته الذليل_ وهسه رافع هامتي
والدرب هذا الطويل_وهيه تمشي ابرايتي


زينب وجدها النبي
لا أبد ما تنسبي!!!

ياشمر زينب الحره وعيني التباريها
وفنك اتحاجيها!

:::::::::

ياشمر صوت الأصيله_ السكت اصوات السيوف
هاي زينب مو ذليله _وسيدة كل الطفوف
كونك اتذل العقيله _هسه ارجعها الجفوف

وترجع اتكاتب يزيد
بالمدد هل من مزيد

والجفوف اعله الشريعه اتحدى اليلاويها
وفنك اتحاجيها

::::::::::::::::::

بالمعارك ما شفتكم_واهجم ابزود وافوت
كمت اناديكم باسمكم_وانتم ابهذا السكوت
والاشوفه اكبالي منكم_ماشفت بس اليموت

انه تربات الولي
وياهو اليقابل علي!

والطفوف انه اكتبتها وما أظن تمحيها
وفنك اتحاجيها

::::::::::::::::::


مانقاتل بالامامه_وكالها اهناك الامام
احنه ماردنه السلامه_الدين محتاج السلام
واضح احسين ابكلامه_ وخاطباني ابهل كلام

لو صدك هاي الحرب
أكلب الدنيا كلب
لكن الله الصوراها واحنه نعرف بيها!
وفنك اتحاجيها\

:::::::::::::

الشرد منكم اعذره--اهناك يم الكنطره
يشرد البيكم أخزره -وانه اديه امبتره
ياشمر زينب الحره_لا تكول اميسره
هاي زهرة فاطمه
والابو حامي الحمه
صبرت ابهاي المصايب -فازت ابتاليها
وفنك اتحاجيها
،،،،،
حسين االساعدي

[ღ عِشق ღ]

زينب وجدها النبي
لا أبد ما تنسبي!!!
.....................
سلاماً للعقيلة الكفيلة زينب ..
.................
احسنت الساعدي
مثاب

[كرار الحسيني]

احسنت بارك الله بيك