هنا

[أنثى حائرة]

سلام ..
منو يعرف تفسير حلم رؤية الميت يسحبك الى قبره علما ان الميت شخص مااعرفة ..وكنت اصرخ بلحظتها
واكو طيور كبار فوك راسي

[هــاجــر]

عليكم السلام

المشكله.. الا وهي.. صعب نفسرلج حلمج.. وكلش غلط انج تاخذين التفسير من الانترنت.. او من اي شخص اخر..

اذا تردين تفسرين حلمج.. المفروض تسألين شخص ..هوا عالم او عنده فراسه بهذا المجال

مثل ..ااسمااء مصطفى.. اذا تعرفيها او وسيم يوسف.. او اي شخص فاهم بهل مجال بمنطقتكم

لأن الاحلام ماتقتصر ع تفسير ومعنى واحد… " ممكن هوايه ناس يحلمون مثل حلمج… " لكن كل شخص .واله تفسير يختلف عن الأخر..

نصيحه ..قصيره.. اتفائلي خير.. بالحلم.. حتى مهما تكون عواقبه.. سيئه.. ف ب تفائلج تتحول لخير

انصج ب اسماء مصطفى.. تفسيرها مضبوط..

مودتي

[Noor M. Hassan]

سلام حبيبتي
حبيبتي الغالية نصيحة الج و اعملي بيها من الان و صاعدا و اترجاج هنا انه تاخذين بيها و تعلمين بيها اي احد تشوفيه يحجي احلام موزينة

اي حلم سيء لا تحجي ابدا لاي احد او حتى تحاولين ادورين اله تفسير ، مدام سيء فاسكتي تماما و اول ما تكعدين من النوم طبقي نصيحة الرسول عليه افضل الصلاة و السلام هنا و بالاضافة للي بالموقع اقري آية الكرسي و انفثي بيدج و امسحي وجهج و تصدقوا و اذا كان الحلم كلش سيء فبالاضافة الى اعلاه صلي ركعتين بنية دفع السوء و المكروه عنج
و بما انه انتي ما كنتي تعرفين كل هذا فطبقي نصيحة الرسول عليه افضل الصلاة و السلام بمجرد ما تقرين هالتعليق و الله طبعا راح يدفع عنج بحوله و قوته و موفقة دائما ان شاء الله