خلك فلاح
خلك فلاح
تعال وشوف رسمك ساكن البال
واسمك يا حبيبي أعله الحياطين
تظل شاخص أبعيني رغم الفراك
ما اعوفك واحبك حب مجانين
وأبقى انطر الماي يلامس الراك
وخلك فلاح عندي أعله البساتين
واظحيلك عمر وأشريك بالروح
ورمز نبقى حبيبي للمحبين
نقشت اسمك أبكلبي والله يفلان
وأحارب بالصبر لوعات الاسنين
ارجعلك يعمري وكلي ألك شوك
واتيهن بيك يل كلك عناوين
حبك صار وسط الروح شريان
ويازرع اليظل لو فارك الطين
رد مع اقتباس