المشاركة الأصلية كتبت بواسطة فواطم الصافي
سلام ليفاي
تذكرت هذا الموضوع قبل فترة بعد ما أنتبهت أن آني جنت إنسانة عاقّه لوالديهه بكل معنى الكلمة
أنته أصلًا كلش زين .. ومعتبر نفسك عاقّ لوالدك ؟
هسه إنتبهت على نفسي .. ما أدري شنو السبب الحقيقي إلي جان يدفعني حته أحجي على أمي وأبويه بهاي الطريقة الوضيعة
يعني آني أهلي أبد ما مقصرين ويايه كد ذرّة .. وآني جنت أحجي عليهم شوكت متصيرلي فرصة
جنت أخفي حقائق وأزيد بالكلام ضد أمي وأبويه
هسه آني صدكـ صحيت على نفسي
أمي وأبويه أبد ولا مقصرين ويايه كد ذرة
أمي مسجلتني مدرسة أهلية آني وبقية أخواني
شوكت ميصير عد أمي مجال تاخذني وياهه لمدرستهه لأن عندي هواي صديقات بمدرسة نازك الملائكة (إلي أمي تدرس بيهه)
ما أشتغل بالبيت
أمي كل ميصير عدهه فلوس تشتريلي ذهب
كل جمعة يكعد أبويه الصبح من وكت ويكعدني حته يوديني للإذاعة
وكل يوم بالمدرسة أبويه هو يكعد أول شي حته يكعدني آني وأخواني
من أرجع من المدرسة صح ما ألكه غده لأن أمي مُدرسة وتتأخر لأن هي بمدرسة مُتميزات بس من أرجع ألكه البيت مرتب والمواعين كلهه مغسولة
أبويه علمني سواقة السيارة من زمان
أمي نظرهه كلش صار ضعيف على كد متصحح أوراق وتسوي درجات وتكتب أسألة
ليفاي .. ما أدري ليش كاعده أعترفلك بكل هذا .. بس آني أحس بالذنب بشكل فعلي
وهسه آني غيرت أسلوبي ويه أمي وأبويه
يعني عالقليل آني صرت أحترمهم .. مو مثل قبل .. قبل جنت أرفع صوتي وأبقه أتجادل ومرات أهلي يحجون وآني أدير وجهي وأروح
هيج آني أحس بالذنب .. عدلت أسلوبي وياهم
متتخيل شكد تحسنت نفسيتي من عدلت أسلوبي
لأن آني مريت بمرحلة جنت بيهه "نقيض فواطم" يعني أنته تعرف أن فواطم كلهه إيجابية بس بهاي المرحلة آني جنت سلبية لحدود متتخيلهه
هسه رجعت طبيعية .. صرت إنسانة واعية شوية .. خففت من تصرفاتي الصبيانية الطفولية
يعني من أشوف الباص مالت المدرسة ما أروحله ركض مثل العام وأول عام .. بعد صرت سادس
وحته بمكان عملي .. هواي أمور جنت ولا منتبهه عليهه وأسويهه بحسن نية بس إلي إكتشفته إن جان "عملي على المِحك"
هسه آني إلي صدكـ خايفة أن يصي عندي أطفال ويسوون بيه مثل ما آني سويت بأهلي
شكرًا ليفاي لأن قريت كل هذا
وآسفة لأن كتبت كل هذا الكلام بس ما أدري ليش حسيت نفسي محتاجة أدرج هذا الكلام إلك بهذا الموضوع
خليك متفائل وإيجابي .. أنته أبد ما عندك عقوق لوالديك
إبتسم, الله يحبك
رد مع اقتباس
