هنا

[M̲u̲S̲h̲T̲a̲Q̲ツ]

الاخوة مقصرو ولا يقصرون ان شاء الله
تم نقل الموضوع للقسم الانسب

[متمردة في زمن الخضوع]

من وجهة نظري
ستكون اب جيد وربما مثالي _لماذا؟_
ببساطة لان غالبية الناس يحاولون تعويض الاشياء التي فقدوها ..

[dr.Nafes]

أنت أنطيت حب الأبوك رغم قساوته وياك..وأحترمته وتخاف عليه اذا صار وياه شي وتزعل عليه ..لأن مهما يكون هذا والدك ..فأنت ماعاقت لوالديك بالعكس ..انت برغم قساوة اهلك انطويت ع نفسك وصبرت هواي ..تحاول تنجح بحياتك بعيد عنهم ..ياذوك بس متاذيهم..هذا الشي الفقدته بطفولتك..راح تعوضه باولادك راح تنطيهم حب اكبر من الي حصلته انت ..اهتمامك بيهم وباحلامهم راح يكون تفكيرك...وتحاول تسعدهم دائما..طبعا من خلال حجيك عرفت شخصيتك...
اعتذر عن الاطاله ليفاي..واتمنى الك حياة احلى من الي شفتها...

[KASSAR]

والله يا خوي انت نفسك ما تحب طريقه ابو بالتعامل فلا تعامل اولادك نفسه تره مو كل شي بالقوه..

[Sωeeτ]

ممم الموضوع حلو
و عادي تكبر و تنسى باجر التتقييم
بس صدك لا تشيل على امك ماكو ام تكره ابنها يمكن لمصلحة يمكن تشوفها لك

[فواطم الصافي]

أريد أعقب على كل شي .. لأن هواي أكو أشياء مُشتركه
بس لتتخيلون أهلي ناس ما متعلمين .. لا
آني أمي مدرسه و أبويه محلل سياسي و بقية أفراد عائلتي من الطرفين كلهم واصلين و شهادات عاليه

اما اني فولدت وعشت بكركوك فأخذت ع اطباع اهل كركوك منها حب الهدوء والابتعاد عن العصبية وبرود الدم .

فهذا الشي سببلي مشاكل ويه اهلي خصوصاً في طفولتي بسبب اختلاف اطباعنه

آني أمي و أبويه طبعهم عصبيين وأي شي يسوو بسرعه حيل و خابصين نفسهم عالبلاش و يصيرون عصبيين لأتفه الأسباب
يعني آني أسوي شغلي على كيف وبتركيز حته يطلع مرتب اصلا اني اشتغل على كيف و بهدووووء
آني أبويه و أمي شغلهم بالثواني و من يشوفوني أسوي شي على كيف حته لو ميخصهم الشغل يبقون يصيحون عليه
يعني هُم على طول دمهم فاير و عصبيين و مثل هذا
آني مبتسمه و مثل هذا السمايل
تخيلو بكلمه ينفجرون بوجهك
آني أمي تصير عصبيه هيج أجاوبهه
ماما مو زين .. هيج تأذين نفسج وبصوت هادئ
وبابا من يصير عصبي أباوع بعيونه بهدوء حته أهدئه وامتص العصبيه
النتائج
أمي حبيبتي آكل منهه راشدي مُحترم .. بدون كاف لام
أبويه 85% تنجح و 5% بالميه أحصل بسطه و 10% يكعد أبويه يتناقش ويايه و بالنهايه بسطه .. يعني 10% بسطه مؤجله و 5% بسطه مُباشره

.. فجانوا اهلي دائماً يعاملوني بطريقة صعبة ويحجون عليّ هواي

آني لحد اللحظه
مو بس أمي و أبويه حته أخواني
تخيل كاعدين يلعبون أنسان حيوان جماد وصلو حيوان بحرف الفاء بدون أي نقاش و مثل الورد
فواطم
ردة فعلي

وما يعترفون بأي شي اقدمه او احاول اقدمه ويعتبروني شخص لا فائدة منه ومستقبله مجهول وجنت هواي اسمع منهم كلام يخدش بالكلب.

آني أجيببلهم دروع الشكر و الشهادات التقديريه
أمي تسوي نفسهه متسمعني
أبويه يكلي وشنو الفايده
ولأنهن من كزاز أخواني يحاولون يكبرون بيهن الأشياء مثل المكبره يعني
آني هيج ردة فعلي و أول 30 ثانيه هيج
وره دقيقه لو دقيقتين ضبط هيج أرجع وهي حالتي الطبيعيه

(والله ما ادري شلون راح تصير من تكبر)! هاي الجملة ضلت براسي من كثر ما تألمت منها رغم اني سامعها قبل اكثر من 4 سنوات
وهلشي سبب ابتعادي عن اهلي وصرت منعزل ع نفسي دائماً ومستمر بسماع الكلام الجارح واصمت واصمت واستمر بالصمت .

الله عليك .. المفروض آني أصير حساسه أكثر منك
وك بابا آني لحد هاي اللحظه .. ما أكدر أحجي هنا
بس آني بنفس اللحظه يعني أمي تسكت آني أكلللهه ماماتي .. حياتي أنتي يعجبج تشربين شي بارد
و أباوعلهه بكل حب و أهتمام
أبويه بس يسكت أبتسم بوجهه و أبوس إيده
صحيح أن الكلمات مستحيل تروح من بالي
أتذكر كلش زين كل كلام ابويه .. أبويه يستخدم التعذيب النفسي و الجسدي .. و الأثرين موجودات ..
المضاعفات النفسيه بعدهه موجوده بس أبد ما مبينته لأحد
و المضاعفات الجسديه .. فصخ أيد مثلاً .. بمرور الوقت تطيب
و للعلم هستوهم متعاركين ويايه آني أكوم منا أسويلهم الغده أو العشه و أذا العصر أكوم أشوف أسوي فد شي حلو
أكبت .. و الكبت كُلش خطأ بس آني أحاول أنتهز الفرص و أفرغ كل طاقاتي السلبيه
بس مره أنفجرت .. لتتخيل كمت أصيح واكسر الاشياء لا
يعني ضغوط من شغلي يريدون اسلم الاعداد
درجات مو زينه بالمدرسه
المدرسات ينتقدون نشاطي المُفرط
أمي متحجي ويايه وتدعي عليه
أبويه يشتغل تحطيم نفسي
المهم جان أبويه يحجي عليه
( أبويه أذا حجه وياك وهو مغزاه أن يتعبك نفسياً فـ كل الي يعجبك هو أن تفجر راسه بطلقه لو تفجر نفسك )
أبويه حجه حجه حجه آني أنفجرت بالبجي وشبكته حيل .. حته أبويه تفاجئ
أنته بسبب الكلام أبتعدت عن أهلك
آني ما أدري ليش صارلي 4 أشهر يمكن لو اكثر كل وكتي بالغرفه
كل وكتي بالغرفه لو أشتغل

والحصة الاكبر من الكلام كان من الوالد "الله يحفظة " عاملني اني واخواني بطريقة قاسية ولازال مستمر بهل معاملة (لكن مو مثل قساوة قبل)
لذلك عشت طفولة افتقد بيها حنان الاب وحبه ..سنة ورة سنة يزداد ألمي وأنعدام ثقتي بنفسي وزيادة انعزالي وانطوائيتي بسبب اهلي
ومن دخلت الاعدادية تحديداً من صرت بالخامس بديت اقرة واثقف نفسي واتعلم وبنيت مستقبلي وهيأت نفسي وانشات طموحي الخاص وبدأت بالعمل لأجل مستقبلي حامل ع ظهري كل الكلمات الجارحة إلي مازالت مستمر لحد اليوم . *طبعا كل الفضل يعود لشخص ساعدني في تغيير نفسي*

آني أختلف عنك بشغله لأن بس آني هيج يعاملوني
و كل ما أكبر يصيرون أقسى ويايه
عشت طفولتي و لحد هسه بتناقض
آني عكسك .. كل ميأذوني و يتجاوزون عليه آني تزيد ثقتي و أعشق ذاتي زايد و أعشق الله أكثر لأن أشوفه هو الوحيد الي ويايه
أتمنه يجيني هيج أنسان .. يجوز صدكـ عندي أخطاء و آني ما أعرفهن
----------------------------------
هسه المهم هم بالنسبه إليه

- ابوي باليوم العادي اتكلم وياه عدد كلمات لا يتعدى ال20 كلمة وتكون اما عن خبر حصل او شي بالبيت (مثلا يكلي وين علاوي واني اكله علاوي فوك)

هاي آني و أمي هيج

- دائماً اكون متخوف من الجلوس اني وياه بغرفة وحدة واكون قلق جداً لان الوالد علمنه ان نخاف منه قبل ان يعلمنا احترامه وحبه .

آني عكسك أمشي بأفكاري أكعد كدام أبويه رجل على رجل من يجي أبوس أيده و أسلم علي و بس يكعد يبدي يحجي عليه ..
أتندم لأن بست أيده بس هم من يرجع يطلع العصر ويرجع هم أبوس ايده وهم يحجي عليه وهكذا

- اجنبه دوماً وحتى ما اباوع بعيونة
- من يروح لسفر او يرجع .. اريد ابوس جبهته او إيدة بس ما اكدر من الخوف عكس امي إلي اقبل راسها وإيدها بكل حب .
.

آني أباوع بنص عينه .. أبويه مع كل قسوته آني أحبه هواي مع أن هو ...
المهم

- علمنا اغلب الامور بالحياة عن طريق الإهانة والعصبية .
- بعد اكو هواي شغلات بس اريد اقتصر علمود لا اطول عليكم .

آني هم ..
وبس ويايه عدا أخواني
وضرب قاسي جدا جدا
متكدر تتخيل القسوه
ضرب وصياح بصوت عالي
و نفسيا انته تتدمر بسبب الصياح قبل الضرب

- رغم كل هذا اني احبه "حب محدود" احبه بالقدر إلي انطاني ياه من حب الابوة فقط .

للأسف
آني ما أكدر أحدد شكد أحبهم أمي و أبويه ..
بس آني أحبهم هواي
بس أذا واحد بيهم دخل غيبوبه نص عادي
و أذا أبتعدو هم عادي يعني أسبوع أبتعدت عنهم كلش عادي

ما اكدر احبة اكثر من هذا لان "فاقد الشي لا يعطيه" واني ما عندي غير القليل من حب الابوة وجاي استثمر هلشي بالاحترام إلي اقدمه إله .

لا لا
آني أكبر مثال لنفي هاي المقوله هو آني
آني ما محصله على أي حب وحنان و أهتمام لا من أهلي و لا من أحد ..
طبعاً لحد ما فتت للمنتدى هنا لكيت التشجيع و الدعم و الأهتمام و آنا مدينه لهم بالكثييييييييييير
المهم .. ما محصله شي و آني أقدم كل الحب و الأهتمام و التشجيع لكل الي حواليه .. أتحملهم هواي مع أن ماكو أحد متحملني من أهلي
حته أكو بنيه ما أكدر أنساهه ..
عدهه مشاكل نفسيه حالتهم الماديه جانو كلش متمكنين وهي أصغر وحده على 6 ولد و أخوتهه مزوجين .. المهم تجيهه نوبات تصير عصبيه وتصيح وتكوم تشكك الفلوس الي بجنطتهه
آني جنت أهدئهه جانت تضربني و تسمعني كلام مو حلو بس من تهدئ تعتذر طبعاً
لحد وره نص السنه البنيه بدت تتغير
الأطفال بـ أي مكان ألكاهم بي أبتسم بوجهه و ألع وياهم و أي شي عندي أقدمه ألهم
بعد .. لحد عمر 14 أو 15 ما أتذكر آني أحلم أحلم و أتمنى هيج أتمنى يصير عندي أكسسوارات غير الذهب ( يعني آني الحمد لله عندي براق و بتوت وملاوي ... الخ كلهن ذهب بس اكسسوارات لو اموت امي متقبل اشتري )
بعدين كمت آني أشتري لنفسي بالمقابل آني أي طفله أشوفهه أذا آني لابس أكسسوارات أنزعهن أنطيهيا ..
أكسسواراتي مو تافهات بالعكس سعرهن غالي وكلش أنيقات
يعني آني فاقده الشي و ما أريد أحد يفقد الي أفقده
أوك

لان نعرف إلي يعامل ابوه بطريقة راح يعامله ابنة بنفس الطريقة

هنا آني أنكسر
و نفسيتي تتعب
و أتألم
ويشتغل ضميري يأنب بيه
أخاف
و أبدي أدعي
يصير صراع داخلي
هواي أشياء تصير بتركيز كلش جبير يستمر 2-4 دقايق مو أكثر و أرجع لحالتي الطبيعيه
وهاي تصير بحالات نادره لأن آني وصلت حد الأشباع وكلش عادي أي شي .. يعني أي شي يصير كلش عادي
و أضوج و أتنرفز بحاله وحده هي أذا صار شي و أنكلبت الدنيه من وراه
بس كل الي أخاف من المستقبل أخاف بسبب طبيعة أهلي العصبيه
تخيل أمي تشوط من ورايه والسبب تاااااااااااااااااااافه لأن تطشر التمن شاطت وعينهه ورمت
أبويه يصعد ضغطه
أخاف ميجيني توفيق و أحقق أحلامي
يعني كـ جزاء
بس آني ما غلطانه وياهم أبد
بس أخاف
لأن عندي أطلاع وقاريه كومة أحاديث و أقوال عن عقوق الوالدين بس آني ما عاقتهم بس أمي تكول هو شون يصير العقوق بعد

[نـايـا]

فواطم ..ارحمي الحروف حبابه ترة كلهن 28 حرف

[dr.Nafes]

الله يكون بعونج فواطم ..اصابيعج شلونهن هسه؟؟

[Levai]

عود اريد ارد عليكم .. بس فواطم شلون

[فواطم الصافي]

عود اريد ارد عليكم .. بس فواطم شلون

مو أله تجاوبني المهم تقره الكلام .. و أذا تريد لتقراه آني أسجله بصوتي و اليوم بالليل أوديلكيا أوك
هم عادي سوي تخطي لتعليقي وجاوب الباقين أنا مُتفهمه