( نور السامرائي ) .. … ..
(( نمنم أحمر )) ..
تثاوب الگيد اعله چفي
وغفت دنيه ونگط بعيني السبي
دردمت لخيام نار
وسولف الدخان
عالخدّر عبي
السيف مد سجادته وصله رگب
چيمو برواحنه بدال الحطب
صوت المناغاة دم
والطفل دلاعته حرورة سهم
والهوى تگطع گلايد فوگ جيده
ورفرفت روحه علم
وسولف الدخان الاسود..... للهوى وشالة خيم
رتلت لسيوف بالطف واحد وسبعين منحر
ربي الك عبد الله فدوه
دمه بهدوم السمه انطش نمنم احمر
بالرمل طمت الوادم مستحاهه
واحنه وحدتنه الفگد كاسر ظهرهه
هلال معووج بگفاهه
وغبش صوت الطفله عمه
عمه عمه
وين ابوي???? نرفس چم جرح بيه
وصار المنادس ملح
حيل مابياش اگولن
ذاك ابوچ المچفي راسه اعله الرمح
الرمح بذرة ليل رادو بيه يموت
وراسه وي اول ملاگه نطش صبح
الروح دشداشه وتلوچ النار بيهه
يارقيه هواي ترفه
حبال خشنه شلون تلتف اعله اديهه
حسين فوگ العمد وستورح بچيهه
عينه زتتلي وصيه
خويه ماوصيچ يازينب عليهه
خويه مابيهم حميه
يصيح ماشورت بيه
من سطرهه تبدت ارويحتهه بيدي وچلبت بردانه ترچية رقيه
خويه والشمات يحچون برهاوه ياعطش يبس شفاك
السيف دور مالگه بريجك نداوه
رد مع اقتباس
..