خايف لا أشرهن وأحچي بــــــلواي
ومن ظيمي أخاف الغيــــــر ينجاس
ماينفع ضماد البلــــــوه بـــــــچلاي
عله وكتي ضربت أخماس بسداس
يگول أصبغ الشيب اليمشي ويــاي
شيصبغلي الگلب حته أصبغ الراس
عندي الگلب شيب وأنــه بصباي
لأن طبعه رقيق ويحمل أحساس
عيني أعله الدرب وأتنطر الجاي
ومعاگب الليل أكظيه بوهـــواس
مره أثنين تجفي أهــوايه دنياي
وعله هذا الصبرت وگلت لاباس
وياي الوكت متعانـــــــــد أهواي
ومن جوره أحس تضيق الأنفاس
وشيسوه العمر من أحسب الراح
وچاوين الوفه التلگي بهل الناس
والوادم أبد مـــو نفس الأطباع
ويگولون العرگ من يومه دساس
مثل طبع النخل من يبچي بسكوت
بس ياكل بروحه الصابه دوباس
هاي الدنيه بيهه اشكال وإلوان
وحرامات الورد بالگاع ينداس
كلام الخوه صار اليوم أوهام
والخوه أنتهت بچفوف عباس
بياض الشعر هذا الباري سواه
وقار وبالوقار يصير نوماس
بنبي أبراهيم واضح بين الشيب
ها بالك تگلي أصبغ الراس
رد مع اقتباس
..
المشاركة الأصلية كتبت بواسطة ♡ Zahraa Al obaidi ♡
